लोकमत न्यूज नेटवर्क
पुणे : शहरातील वाढत्या सायबर गुन्ह्यांमुळे त्यांच्या तपासासाठी सुसूत्रता यावी, यासाठी पोलीस आयुक्त अमिताभ गुप्ता यांनी सायबर पोलीस ठाण्याची पुनर्रचना केली आहे. त्यानुसार, आता गुन्ह्याच्या स्वरूपानुसार ५ युनिटची स्थापना केली आहे. गुन्ह्यांच्या स्वरूपानुसार त्या-त्या युनिटकडे संबंधित गुन्हे सोपविले जाणार आहेत. सध्या एकाच तपास अधिकाऱ्यांकडे वेगवेगळ्या प्रकारचे गुन्हे तपासासाठी दिले जातात. त्याऐवजी आता तपास अधिकाऱ्यांकडे एकाच प्रकारचे गुन्हे तपासासाठी दिले जाणार आहेत.
हॅकिंग/डाटा चोरी, ऑनलाइन बिझनेस फ्रॉड, चीटिंग फ्रॉड, सोशल नेटवर्किंग आणि एटीएम कार्ड फ्रॉड अशी ही पाच युनिट राहणार आहेत.
हॅकिंग /डाटा चोरी : डाटा इनस्किप्ट, मेल हॅकिंग, डाटा चोरी, डिजिटल सीगनेजर
ऑनलाइन बिझनेस फ्रॉड : ओएलएक्स, फ्लिपकार्ट फ्रॉड, मल्टी लेव्हल मार्केटिंग, हॅकिंग मोबाइलर फार मनी ट्रान्सफर, ऑनलाइन सेल ॲन्ड परचेस फ्रॉड
चीटिंग फ्रॉड : आनलाइन डेटिंग साइट फ्रॉड, इन्शुरन्स फ्रॉड, जॉब फ्रॉड, लोन फ्रॉड, पॅकेज टुर फ्रॉड, मोबाइल टॉवर फ्रॉड, मॅट्रिमोनियल फ्रॉड आदी.
सोशल नेटवर्किंग : फेसबुक, फेक डॉक्युमेंट, फेसबुब हॅकिंग एक्सट्रोशन, डिफमेशन, अपलोड व्हिडीओ आदी.
एटीएम कार्ड फ्रॉड : मनी ट्रान्सफर डेबिट, क्रेडिट कार्ड, क्लोन कार्ड फ्रॉड, ओटीपी शेअर फ्रॉड, मोबाइल, लॅपटॉप चोरी व इतर.
प्रशासन : पोलीस ठाण्याचे सर्व कार्यालयीन कामकाज, सायबर पोर्टल, पोलीस ठाण्यांना तांत्रिक साहाय्य.
अशा प्रकाराची ही रचना असणार आहे.
वरिष्ठ पोलीस निरीक्षक त्या दिवशी प्राप्त सायबर तक्रारी अर्जाचे युनिटप्रमाणे अधिकाऱ्यांना वाटप करतील. युनिटचे पोलीस निरीक्षक सायबर तक्रारी अर्जाचे पुढील कार्यवाहीकरिता व निर्गतीकरिता त्यांचेकडील सहायक पोलीस निरीक्षक/पोलीस उपनिरीक्षक व कर्मचारी यांना सूचना देऊन गुन्हा दाखल करण्याची, तपासाबाबत, तसेच तक्रारी अर्ज पोलीस ठाण्यांकडे पाठविण्याबाबत, तक्रारीबाबत चौकशीनंतर व दप्तरी दाखल करण्याबाबत पर्यवेक्षण करतील.
सायबर पोलीस ठाण्याकडील प्राप्त तक्रारींच्या अनुषंगाने अर्जातील फसवणुकीची रक्कम १० लाख रुपयांपेक्षा अधिक असल्यास, सायबर तक्रारी अर्जास संदर्भात फसवणूक झालेल्या व्यक्तींची संख्या जास्त प्रमाणात असेल, तर ज्या सायबर तक्रारी अर्जामधील तक्रार ही डाटा चोरी, सोर्स कोड चोरी, वेबसाइट संदर्भातील तक्रारी अशा महत्त्वाच्या तक्रारी संदर्भात असेल, तर अशा तीन महत्त्वाच्या मुद्द्यावरील तक्रारी अर्ज प्राप्त झाल्यानंतर, त्याबाबत संबंधित सायबर युनिटचे पोलीस निरीक्षक हे कार्यलयीन टिपप्णी ठेवून पोलीस उपायुक्त यांची मान्यता घेऊन पुढील कार्यवाही करतील, असे आदेश पोलीस आयुक्त अमिताभ गुप्ता यांनी काढले आहेत.
(नोट- कृपया बातमी पुन्हा एकदा पाहून घेणे. वाक्यांची-शब्दांची लिंक नीट लागत नव्हती.)