Video : कोहिनूर रेसिडेन्सीमध्ये 17व्या मजल्यावरील फ्लॅटला लागली आग;अग्निशमन दल घटनास्थळी दाखल

अग्निशमन दलाच्या जवानांनी आग नियंत्रणात आणण्यासाठी युद्धपातळीवर प्रयत्न सुरू केले

पुणे : शहरातील घोरपडी परिसरात बी. टी. कवडे रोडवरील कोहिनूर रेसिडेन्सी या उंच इमारतीत आज (दि. १ १) बुधवारी अचानक आग लागल्याची घटना घडली. मिळालेल्या प्राथमिक माहितीनुसार, इमारतीच्या 17व्या मजल्यावरील एका फ्लॅटमध्ये ही आग लागली असून परिसरात काही काळ भीतीचे वातावरण निर्माण झाले.

घटनेची माहिती मिळताच अग्निशमन दलाच्या गाड्या तातडीने घटनास्थळी रवाना झाल्या. अग्निशमन दलाच्या जवानांनी आग नियंत्रणात आणण्यासाठी युद्धपातळीवर प्रयत्न सुरू केले आहेत. घटनेचा व्हिडिओ सोशल मीडियावर व्हायरल होत आहे. 

कोहिनूर रेसिडेन्सीमध्ये 17व्या मजल्यावरील फ्लॅटला लागली आग; अग्निशमन दल घटनास्थळी दाखल#pune#Maharashtra#FIREpic.twitter.com/fGocpny7W1

— Lokmat (@lokmat) February 11, 2026

आगीचे नेमके कारण अद्याप स्पष्ट झालेले नसून शॉर्ट सर्किटची शक्यता वर्तवली जात आहे. रहिवाशांना सुरक्षित स्थळी हलवण्याचे काम सुरू असून कोणतीही जीवितहानी झाली आहे का याबाबत अधिकृत माहिती अद्याप समोर आलेली नाही. घोरपडी फायर ब्रिगेड कार्यालयाच्या पाठीमागे असलेल्या या घटनेमुळे परिसरात मोठी गर्दी झाली होती. पोलिस आणि स्थानिक प्रशासन परिस्थितीवर लक्ष ठेवून आहेत.