पुणे : पीएम किसान सन्मान निधीचा २२ वा हप्ता शुक्रवारी (दि. १३) शेतकऱ्यांच्या खात्यात जमा होणार आहे. यासाठी राज्यातील ९१ लाख १८ हजार ८३१ शेतकरी पात्र ठरले आहेत. निधी वितरणचा मुख्य कार्यक्रम पंतप्रधान नरेंद्र मोदी यांच्या उपस्थितीत आसामची राजधानी गुवाहाटी येथे होणार आहे. तर राज्यातील कार्यक्रमाबाबत नियोजन सुरू असल्याची माहिती कृषी विभागाकडून देण्यात आली. या योजनेचा २१ वा हप्ता नोव्हेंबरमध्ये देण्यात आला होता. तब्बल चार महिन्यांनंतर २२ व्या हप्त्याची घोषणा करण्यात आली असून त्यासाठी विधानसभा निवडणुकांचा मुहूर्त साधण्यात आला आहे. या हप्त्यासाठी सर्वाधिक ५ लाख ४५ हजार २८० शेतकरी अहिल्यानगर जिल्ह्यातील आहेत.
केंद्र सरकारने पीएम किसान सन्मान निधी योजनेचा २१ वा हप्ता १९ नोव्हेंबर २०२५ रोजी लाभार्थ्यांच्या खात्यात थेट जमा केला होता. केंद्र सरकारकडून त्यानंतर २२ व्या हप्त्यासाठी लाभार्थी निश्चित करण्यात आले होते. हा हप्ता जिल्हा परिषद निवडणुकीपूर्वी मिळेल, असे बोलले जात होते. मात्र, तो मुहूर्त हुकला. पीएम किसानच्या २१ व्या हप्त्यात राज्यातील ९० लाख ४१ हजार २४१ शेतकरी पात्र ठरले होते. तर २२ व्या हप्त्यासाठी ९१ लाख १८ हजार ८३१ शेतकरी पात्र ठरले आहेत. त्यानुसार आताच्या हप्त्यात १ लाख २ हजार ५९० शेतकरी वाढले आहेत. योजनेच्या निधी वितरणाचा मुख्य सोहळा आसामची राजधानी गुवाहाटी येथे शुक्रवारी (दि. १३) होणार आहे. तर राज्यातील कार्यक्रमाचे नियोजन सुरू असल्याचे कृषी विभागाकडून सांगण्यात आले.
Web Summary : Good news for farmers! The 22nd installment of PM Kisan Samman Nidhi will be credited on Friday. Over 91 lakh farmers in Maharashtra are eligible. The main event will be held in Guwahati, Assam, attended by PM Modi. This follows the 21st installment in November.
Web Summary : किसानों के लिए खुशखबरी! पीएम किसान सम्मान निधि की 22वीं किस्त शुक्रवार को जमा होगी। महाराष्ट्र में 91 लाख से अधिक किसान पात्र हैं। मुख्य कार्यक्रम गुवाहाटी, असम में पीएम मोदी की उपस्थिति में होगा। इससे पहले नवंबर में 21वीं किस्त दी गई थी।