लोणावळा : मुंबई-पुणे द्रुतगती महामार्गावर खंडाळा घाटातील अमृतांजन पुलाजवळ शुक्रवारी रात्री आठच्या सुमारास मुंबईकडे जाणा-या एका क्रेनची शिडी घसरुन कारवर पडल्याने एक जण जागीच ठार झाला़ हा अपघात पाहण्यासाठी एका कार चालकाने गाडीचा ब्रेक मारल्याने सुमारे ७ ते ८ गाड्या एकमेकावर आदळून येथे विचित्र अपघात झाल्याने खंडाळा घाटात काही काळ वाहतुक विस्कळीत झाली होती़पंधरवड्यापासून खंडाळ्यातील अमृतांजन पुलाजवळ दररोज अपघात व वाहतुक कोंडी होत असल्याने अमृतांजनची ही डोकेदुखी थांबणार तरी केव्हा? असा प्रश्न उपस्थित होत असून यावर महाराष्ट्र शासनाने तातडीने तोडगा काढावा अशी मागणी प्रवाश्यांनी केली आहे़ (प्रतिनिधी)
{{#config.logo.enabled}}
{{/allowed}}