Corona virus in pune : 227 patients were cured in one day In Pune district and 76 new patients were found | Corona virus in pune : पुणे जिल्ह्यात २२७ कोरोनाबाधित रुग्ण एका दिवसांत बरे होऊन गेले घरी; नवीन ७६ रुग्णांची वाढ

Corona virus in pune : पुणे जिल्ह्यात २२७ कोरोनाबाधित रुग्ण एका दिवसांत बरे होऊन गेले घरी; नवीन ७६ रुग्णांची वाढ

ठळक मुद्देपुणे जिल्ह्यात कोरोना पॉझिटिव्ह रूग्णांची संख्या ७ हजार ८२६ तर ३४५ रुग्णांचा मृत्यू 

पुणे : पुणे जिल्ह्यात सोमवारी (दि.१) रोजी २२७ कोरोना बाधित रुग्ण एकाच दिवशी बरे होऊन घरी गेले आहेत. तर ७६ नवीन रुग्णांची भर पडली. सोमवारी ८ कोरोना पॉझिटिव्ह रूग्णांचा मृत्यू झाला. यामुळे आतापर्यंत कोरोनामुळे ३४५ रुग्णांचा बळी गेला आहे. 
जिल्ह्यात सोमवारी कोरोना पॉझिटिव्ह रूग्णांची संख्या एकदम कमी झाली. परंतु ही संख्या विविध तपासणी केंद्रावर अहवाल प्रलंबित असल्याने कमी दिसत आहे. सोमवारी एका दिवसांत ९२४  नवीन कोरोना पॉझिटिव्ह रूग्णांची तपासणी करण्यात आली. यापैकी केवळ २९२  रुग्णांचे अहवाल आले असून, यामध्ये ७६रुग्ण पॉझिटिव्ह सापडले आहेत. अद्याप तब्बल ६३२ रुग्णांचे अहवाल प्रलंबित आहेत. यामुळे ही संख्या कमी दिसत आहे. पुणे जिल्ह्यात आतापर्यंत कोरोना पॉझिटिव्ह रूग्णांची संख्या ७ हजार ८२६ वर जाऊन पोहचली आहे. यात सर्वाधिक ६ हजार ६०१ रुग्ण एकट्या पुणे शहरामध्ये असून, पिंपरी चिंचवड मध्ये ५२६, पुणे ग्रामीण मध्ये ४११ रुग्ण सापडले आहेत. 
---- 
एकूण बाधित रूग्ण : ७८२६
पुणे शहर : ६६०१
पिंपरी चिंचवड : ५२६
कॅन्टोनमेन्ट व ग्रामीण : ६९९
मृत्यु : ३४५
बरे झाले : ४७२९

 

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: Corona virus in pune : 227 patients were cured in one day In Pune district and 76 new patients were found

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.