पुणे : किरकोळ कारणावरून आत्याच्या मुलाने मित्राच्या मदतीने तरुणाच्या डोक्यात पेव्हर ब्लॉक व लाकडी पट्टीने मारहाण करुन खून केला. रोहन कांतीलाल ओव्हाळ (वय २८, रा. काकडे वस्ती, कोंढवा) असे खून झालेल्या तरुणाचे नाव आहे, तर कौशल लांडगे (वय २०, रा. काळेपडळ, हडपसर) असे अटक करण्यात आलेल्या आत्याच्या मुलाचे नाव आहे. त्याचा साथीदार अंश पटेल (वय १८) याच्यावर देखील गुन्हा दाखल करण्यात आला आहे. ही घटना बिबवेवाडी - कोंढवा रोडवरील अश्विनी पॅराडाईस सोसायटीजवळ सोमवारी (दि. २०) पहाटे पावणे पाचच्या सुमारास घडली. याबाबत रोहन ओव्हाळच्या बहिणीने मार्केटयार्ड पोलिस ठाण्यात फिर्याद दिली आहे.
पोलिसांनी दिलेल्या माहितीनुसार, रोहन ओव्हाळ हा काही काम धंदा करत नाही. तो यु ट्युबवर रील बनवायचा. कौशल लांडगे हा त्याचा आत्येभाऊ आहे. त्यांच्यात काही कारणावरून भांडणे झाली होती. त्यावेळी कौशल व अंश पटेल यांनी पेव्हर ब्लॉकने आणि लाकडी पट्टीने रोहनच्या डोक्यात मारून त्याला गंभीर जखमी केले. जखमी अवस्थेत त्याला रुग्णालयात नेले असता त्याचा मृत्यू झाला. मार्केटयार्ड पोलिसांनी खुनाचा गुन्हा दाखल करुन कौशल लांडगे याला अटक केली आहे. पुढील तपास वरिष्ठ पोलिस निरीक्षक विश्वजीत जगताप करत आहेत.
Web Summary : In Pune, a young man was murdered by his cousin and an accomplice following a minor dispute. The victim, Rohan Ovhal, was attacked with paving blocks and a wooden plank. Police have arrested the cousin, Kaushal Landge, while his accomplice is also implicated.
Web Summary : पुणे में मामूली विवाद के बाद एक युवक की हत्या उसके चचेरे भाई और एक साथी ने मिलकर कर दी। रोहन ओव्हाल नामक पीड़ित पर पेवर ब्लॉक और लकड़ी के तख्ते से हमला किया गया। पुलिस ने चचेरे भाई कौशल लांडगे को गिरफ्तार कर लिया है, जबकि उसका साथी भी शामिल है।