"येडियुरप्पांनी प्रचंड भ्रष्टाचार केला", रमेश जारकीहोळी यांचा गंभीर आरोप; 'ती' वादग्रस्त टेप झाली लीक

By ऑनलाइन लोकमत | Published: March 5, 2021 01:18 PM2021-03-05T13:18:54+5:302021-03-05T13:26:00+5:30

Karnataka Sex CD Scandal And Ramesh Jarkiholi : भाजपाच्या मंत्र्याला हे आक्षेपार्ह सीडी प्रकरण भोवलं असून रमेश जारकीहोळी यांनी आपल्या पदाचा राजीनामा दिला आहे. यानंतर आता जारकीहोळी यांचं वादग्रस्त संभाषण लीक झालं आहे. 

Karnataka Sex CD Scandal ramesh jarkiholi in sex tape yediyurappa has done too much corruption | "येडियुरप्पांनी प्रचंड भ्रष्टाचार केला", रमेश जारकीहोळी यांचा गंभीर आरोप; 'ती' वादग्रस्त टेप झाली लीक

"येडियुरप्पांनी प्रचंड भ्रष्टाचार केला", रमेश जारकीहोळी यांचा गंभीर आरोप; 'ती' वादग्रस्त टेप झाली लीक

Next

नवी दिल्ली - कर्नाटकमध्ये एका आक्षेपार्ह सीडी प्रकरणावरून (Karnataka Sex CD Scandal) मोठी खळबळ उडाली आहे. या आक्षेपार्ह सीडी प्रकरणात कर्नाटकच्याभाजपा सरकारमधील जलसंसाधन मंत्री रमेश जारकीहोळी (Ramesh Jarkiholi) यांच्याविरोधात तक्रार दाखल करण्यात आली आहे. एका सामाजिक कार्यकर्त्यांने ही सीडी जारी केली आहे, यामध्ये रमेश जारकीहोळी कथितरित्या एका तरुणीसोबत दिसून येत आहेत. दरम्यान, याबाबत राजकीय षड्यंत्र असल्याचे रमेश जारकीहोळी यांनी म्हटलं आहे. मात्र आता भाजपाच्या मंत्र्याला हे आक्षेपार्ह सीडी प्रकरण भोवलं असून रमेश जारकीहोळी यांनी आपल्या पदाचा राजीनामा दिला आहे. यानंतर आता जारकीहोळी यांचं वादग्रस्त संभाषण लीक झालं आहे. 

रमेश जारकीहोळी यांनी कर्नाटकचे मुख्यमंत्री बी. एस. येडियुरप्पा (Yeddyurappa) यांच्यावर गंभीर आरोप केला आहे. येडियुरप्पा यांनी खूप भ्रष्टाचार केला आहे आणि केंद्रीय संसदीय कार्यमंत्री प्रल्हाद जोशी कर्नाटकचे मुख्यमंत्री होतील असं जारकीहोळी यांनी म्हटलं आहे. तसेच मराठी लोक चांगले आहेत आणि ... कानडींना काही काम नाही असं देखील जारकीहोळी यांनी म्हटलं आहे. सध्या हे संभाषण जोरदार व्हायरल होत आहे. यावर काँग्रेसचे प्रदेशाध्यक्ष डी. के. शिवकुमार यांनी मुख्यमंत्री येडियुरप्पांवर जोरदार टीका केली. हे केवळ सेक्स स्कँडल नाही. त्या टेपमध्ये मंत्र्यांनीच मुख्यमंत्री येडियुरप्पा भ्रष्टाचारी असल्याचा आरोप केला आहे. मुख्यमंत्र्यांना याचं उत्तर द्यावं लागेल असं म्हटलं आहे. 

रमेश जारकीहोळी आणि त्या महिलेचं समोर आलेलं संभाषण

महिला - बेळगावात मराठी-कन्नड संघर्ष सारखा सुरू आहे?

जारकीहोळी  - मराठी माणसं चांगली आहेत. ... कानडींना काही काम नाही.

जारकीहोळी - सिद्धरामय्या उत्तम आहेत. येडियुरप्पांनी प्रचंड भ्रष्टाचार केला आहे.

महिला - तुम्ही सारखे दिल्लीला जात असता, तुम्ही मुख्यमंत्री होणार का?

जारकीहोळी -  प्रल्हाद जोशी मुख्यमंत्री होतील.

Karnataka Sex CD Scandal : आक्षेपार्ह सीडी प्रकरण भाजपाच्या मंत्र्याला भोवलं; रमेश जारकीहोळी यांचा राजीनामा

नागरी हक्क संघर्ष समितीचे अध्यक्ष दिनेश कलहळ्ळी यांनी हे सीडी प्रकरण मीडियासमोर आणले आहे. एका हिंदी वेबसाईटने याबाबतचे वृत्त दिले आहे. तसेच, दिनेश कलहळ्ली यांनी रमेश जारकीहोळी यांच्यावर गंभीर आरोपही केला आहे. रमेश जारकीहोळी यांनी नोकरीचे आमिष दाखवून तरुणीवर अत्याचार केल्याचा गंभीर आरोप दिनेश कलहळ्ळी यांनी केला आहे. ट्रान्समिशन कॉरपोरेशन लिमिटेड (KPTCL) मध्ये तरुणीला नोकरी देण्याचे आमिष दाखवून शारिरिक संबंध ठेण्यास सांगितल्याचा आरोप दिनेश कलहळ्ळी यांनी केला आहे.यासंदर्भात दिनेश कलहळ्ळी यांनी रमेश जारकीहोळी यांची एक सीडी व्हायरल केली आहे. यामध्ये रमेश जारकीहोळी हे एका तरुणीला शरीरसंबंध ठेवण्याबाबत बोलत असल्याचा दावा केला आहे.


 

Web Title: Karnataka Sex CD Scandal ramesh jarkiholi in sex tape yediyurappa has done too much corruption

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.