BJP leader Ashish Shelar met Sharad Pawar, shared photos and gave information by Supriya Sule | भाजपाच्या बड्या नेत्याने घेतली शरद पवारांची भेट, फोटो शेअर करून सुप्रिया सुळेंनी दिली माहिती

भाजपाच्या बड्या नेत्याने घेतली शरद पवारांची भेट, फोटो शेअर करून सुप्रिया सुळेंनी दिली माहिती

ठळक मुद्देभाजपा नेते आशिष शेलार यांनी आज राष्ट्रवादीचे प्रमुख शरद पवार यांची भेट घेतलीया भेटीची माहिती राष्ट्रवादीच्या खासदार सुप्रिया सुळे यांनी ट्विटरवर शेलारांसोबतचा फोटो शेअर करून दिली शेलार आणि शरद पवार यांच्या भेटीत नेमकी काय चर्चा झाली याबाबतचा तपशील अद्याप समोर आलेला नाही

मुंबई - राज्यात एकीकडे कोरोना विषाणूच्या संसर्गामुळे चिंताजनक परिस्थिती निर्माण झालेली असताना दुसरीकडे राज्यातील राजकारणही विविध घडामोडींमुळे तापलेले आहे. त्यातच भाजपात गेलेले राष्ट्रवादीचे नेते लवकरच घरवापसी करतील असे विधान करून राष्ट्रवादीचे नेते नवाब मलिक यांनी खळबळ उडवून दिली होती. अशा परिस्थितीतच आज भाजपाचा राज्यातील एक बडा नेता शरद पवार यांच्या भेटीला गेल्याने राज्यातील राजकारणात चर्चेला उधाण आले आहे.

भाजपा नेते आशिष शेलार यांनी आज राष्ट्रवादीचे प्रमुख शरद पवार यांची भेट घेतली. या भेटीची माहिती राष्ट्रवादीच्या खासदार सुप्रिया सुळे यांनी ट्विटरवर शेलारांसोबतचा फोटो शेअर करून दिली. मात्र या भेटीनंतर राजकीय वर्तुळात चर्चेला उधाण आले आहे. पण आशिष शेलार यांनी आज अचानक शरद पवार यांची भेट का घेतली. तसे शेलार आणि शरद पवार यांच्या भेटीत नेमकी काय चर्चा झाली याबाबतचा तपशील अद्याप समोर आलेला नाही. 



काय म्हणाले होते नवाब मलिक

राष्ट्रवादी काँग्रेसचे 12 आमदार भाजपमध्ये प्रवेश करणार असल्याची अफवा काही जण पसरवत आहेत. ही चर्चा बिनबुडाची आहे, असे राष्ट्रवादी कॉंग्रेसचे राष्ट्रीय प्रवक्ते आणि राज्याचे अल्पसंख्यांक मंत्री नवाब मलिक यांनी सोमवारी सांगितले होते.

नवाब मलिक  यांनी ट्विट करत ही माहिती दिली होती. त्यात ते म्हणाले होते की, राष्ट्रवादी काँग्रेसचे 12 आमदार भाजपमध्ये प्रवेश करणार असल्याची अफवा काही जण पसरवत आहेत. ही चर्चा बिनबुडाची आहे. उलट निवडणुकीआधी भाजपमध्ये गेलेले आमदार राष्ट्रवादीत परतण्यासाठी उत्सुक असून यावर अद्याप कोणताही निर्णय झालेला नाही, असा दावा नवाब मलिक यांनी केला होता. तसेच यावर लवकरच निर्णय घेऊन सार्वजनिक जाहीर केले जाईल, असं नवाब मलिक यांनी स्पष्ट केले होते. तसेच काही आमदार शरद पवारांना, दादांना भेटून परत येण्याची इच्छा व्यक्त करत आहेत. गेल्या सहा महिन्यांपासून बोलत आहेत. कोणत्याही अटी-शर्ती नसतील त्यांनाच प्रवेश दिला जाईल, असंही नवाब मलिक यांनी यावेळी म्हटले होते.

इतर महत्त्वाच्या बातम्या

आता घरबसल्या स्मार्टफोनद्वारे बनवता येणार रेशन कार्ड, केवळ या कागदपत्रांची आवश्यकता

वुहानमधील ९० टक्के कोरोनामुक्त रुग्णांची फुप्फुसे झाली खराब, अभ्यासातून समोर आली धक्कादायक माहिती

रक्षाबंधनाच्या मुहुर्तावर स्वस्तात सोने खरेदीची संधी, मोदी सरकारच्या या योजनेमुळे होणार सर्वसामान्यांची चांदी

टाइम कॅप्सुल म्हणजे नेमकं काय? जमिनीत पुरून ठेवण्यामागे असतो हा उद्देश

पंधरा गोळ्या झेलूनही हा वीर जवान लढला, अन् टायगर हिलवर तिरंगा फडकला 

अमेरिकेला मिळाली कोरोनावरील लस, खरेदी केले १० कोटी डोस

घरी राहिल्यानेही कमी होत नाही कोरोनाच्या संसर्गाचा धोका, संशोधकांचा धक्कादायक खुलासा

कोरोनाविरोधात लस विकसित करण्याच्या ऑक्सफर्डच्या मोहिमेचं या महिलेनं केलं नेतृत्व, अवघ्या काही महिन्यांत असं मिळवलं यश

कोरोनावरील लस विकसित करण्याच्या शर्यतीत आहेत 'या' सात भारतीय कंपन्या, काहींनी घेतलीय संशोधनात आघाडी

Web Title: BJP leader Ashish Shelar met Sharad Pawar, shared photos and gave information by Supriya Sule

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.