पिंपरी : वडिलांनी मोबाइल चेक केल्याच्या कारणावरून एका १६ वर्षीय मुलीने १७ मार्च रोजी विष प्राशन केले. उपचाराच्या दरम्यान रविवारी (दि. २२ मार्च) तिचा मृत्यू झाला. ही घटना चिखली येथील जाधववाडी येथे घडली.
प्रतीक्षा अनिल गायकवाड (वय १६, रा.जाधववाडी, चिखली) असे आत्महत्या केलेल्या विद्यार्थिनीचे नाव आहे. चिखली पोलिस ठाण्याचे वरिष्ठ निरीक्षक विठ्ठल साळुंके यांनी दिलेल्या माहितीनुसार, १७ मार्च रोजी प्रतीक्षा हिचा मोबाइल तिच्या वडिलांनी चेक केला. त्यामध्ये आक्षेपार्ह असे काहीच आढळून आले नाही. मात्र, वडिलांनी आपला मोबाइल चेक केल्यामुळे आलेल्या नैराश्यातून प्रतीक्षा हिने त्याच दिवशी रात्री नऊच्या सुमारास राहत्या घरात विष प्राशन केले. ही बाब तिच्या कुटुंबीयांच्या लक्षात येताच, तिला त्वरित रुग्णालयात दाखल केले. उपचाराच्या दरम्यान रविवारी (दि. २२ मार्च) तिचा मृत्यू झाला. महापालिकेच्या पिंपरी येथील यशवंतराव चव्हाण स्मृती रुग्णालयात शवविच्छेदन करण्यात आले. त्यानंतर, मृतदेह नातेवाइकांच्या ताब्यात देण्यात आला.
Web Summary : A 16-year-old girl in Chikhli died after consuming poison on March 17. Her father had checked her mobile phone, leading to her depression and subsequent suicide. She passed away during treatment on March 22.
Web Summary : चिखली में 16 वर्षीय लड़की ने 17 मार्च को जहर खाकर आत्महत्या कर ली। पिता द्वारा मोबाइल चेक करने से वह निराश थी। इलाज के दौरान 22 मार्च को उसकी मौत हो गई।