मुंबई : भांडुपमधून ३ कोटींची रोकड जप्त, ही रक्कम बँक एटीएमची असल्याचे सांगण्यात येत आहे. मात्र, याबाबत आयटी विभाग, पोलीस आणि निवडणूक कर्मचाऱ्याकडून तपास सुरू
Coronavirus : फेक न्यूजचं असं करा फॅक्ट चेक, जाणून घ्या व्हायरल गोष्टींमागचं सत्य
By ऑनलाइन लोकमत | Published: April 10, 2020 7:36 PM
1 / 14कोरोना व्हायरसने जगाला विळखा घातला आहे. भारतातील कोरोनाग्रस्तांची संख्या ही सातत्याने वाढत आहे. देशातील कोरोनाग्रस्तांचा आकडा हा 5000 हून अधिक झाला असून 160 अधिक लोकांना आपला जीव गमवावा लागला आहे.2 / 14वेगाने पसरणाऱ्या या कोरोनामुळे लोकांमध्ये भीतीचे वातावरण निर्माण झाले आहे. याच दरम्यान घरबसल्या लोक सोशल मीडियावर जास्त अ‍ॅक्टिव्ह झाले असून त्याचा वापर हा मोठ्या प्रमाणात केला जात आहे. 3 / 14सोशल मीडियावर अनेक फेक मेसेज, बातम्या, फोटो, व्हिडीओ व्हायरल होत आहेत. काही लोक कोरोनासंदर्भातील बातम्या, व्हिडिओ, फोटो चुकीच्या पद्धतीने व्हायरल करत आहेत.4 / 14फेक मेसेज इतरांना पाठवण्याआधी त्याची सत्यता तपासणं आवश्यक आहे. कारण फेक मेसेज पाठवणं महागात पडू शकतं. 5 / 14देशात कोरोनाचा कहर पाहायला मिळत आहे. त्यामुळे अशा वेळी अनेकदा फेक मेसेज हे खरे वाटतात. व्हायरल गोष्टींमागचं सत्य जाणून घ्या. 6 / 14फेसबुक, व्हॉट्सअ‍ॅप आणि इतर सोशल मीडियावर आलेल्या फेक न्यूज ओळखणं आता सोपं झालं आहे. व्हायरल मेसेज, बातम्या, फोटो आणि व्हिडिओ फेक आहेत की खरे आहेत हे कसं ओळखायचं जाणून घेऊया.7 / 14सोशल मीडियावर व्हायरल बातमीची किंवा व्हिडिओची हेडलाईन तपासा. खोट्या बातम्यांच्या हेडलाईनमध्ये अनेकदा घोळ असतो. तसेच चुका असतात.8 / 14एखादा फोटो एडिट करणं आता सहज शक्य आहे. त्यामुळे व्हायरल गोष्टीतील फोटो आधी चेक करा. तो नीट लक्षपूर्वक पाहा. फेक न्यूजमध्ये प्रामुख्याने फोटोंचा चुकीचा वापर केलेला असतो.9 / 14फेसबुक, व्हॉट्सअ‍ॅपवर असंख्य गोष्टी या सातत्याने शेअर केल्या जात असतात. मात्र त्याचा सोर्स हा अत्यंत महत्त्वाचा असतो. त्यावरून त्या बातमीची सत्यता तपासता येते.10 / 14सोशल मीडियावर व्हायरल होणाऱ्या अनेक गोष्टी या बऱ्याचदा जुन्या असतात. फॅक्ट चेकमध्ये हे काही वेळा समोर येतं. त्यामुळे बातमी चेक करायची असेल तर तिची तारीख तपासा.11 / 14एखादी बातमी तुमच्याकडे आली तर सर्वप्रथम त्याची यूआरएल म्हणजेच लिंक चेक करा. लिंकवरून बातमी खरी आहे की खोटी हे ओळखता येतं. लिंकमध्ये अनेकदा स्पेलिंग चुकीच्या असतात.12 / 14व्हायरल झालेला मेसेज, बातमी, फोटो आणि व्हिडीओ खरा आहे की खोटा हे समजून घेण्यासाठी गुगलची मदत घ्या. गुगलवर त्यासंबंधी सर्च करून माहिती मिळवा.13 / 14कोरोनासंदर्भातील विविध गोष्टी या सध्या सोशल मीडियावर जोरदार व्हायरल होत आहेत. मात्र एखादा मेसेज, बातमी, फोटो, व्हिडीओ हा फेक असू शकतो.14 / 14एखादा मेसेज इतरांना पाठवण्याआधी एकदा विचार करा. त्याची सत्यता तपासून घ्या. फेक न्यूजचं फॅक्ट चेक करा.