तिरुपतीला भक्तानं अर्पण केली ५ किलो वजनाची १ कोटी रुपयांची सुवर्ण तलवार, फोटो पाहून डोळे दिपतील

1 / 7

हैदराबादमधील एका भक्तानं तिरुपतीमधील तिरुमला मंदिरात भगवान व्यंकटेश्वरला तब्बल ५ किलोची सोनं अन् चांदीची तलवार अर्पण केली आहे.

2 / 7

हैदराबादच्या श्रीनिवास दाम्पत्यानं दोन किलो सोनं आणि तीन किलो चांदीनं तयार केलेली सुवर्ण तलवार तिरुपती मंदिरात अर्पण केली आहे. याची एकूण किंमत तब्बल १ कोटींच्या घरात आहे.

3 / 7

श्री व्यंकटेश्वर मंदिर आंध्र प्रदेशातील चित्तूरमध्ये तिरुमालाच्या डोंगराळ भागात वसलेलं आहे. देशातील सर्वाधिक दान होणारं मंदिर म्हणून या मंदिराची ओळख आहे.

4 / 7

देशासह संपूर्ण जगभरातून लाखो भाविक या मंदिरात दर्शनासाठी येत असतात. कोरोनाामुळे गेले अनेक महिने दर्शन बंद असल्यानं अनेक भाविकांना मंदिराला भेट देता आली नव्हती.

5 / 7

श्रीनिवास कुटुंबियांनाही सुवर्ण तलवार गेल्या वर्षीच अर्पण करायची होती. पण कोरोनामुळे देवस्थान बंद असल्यानं त्यांना हे शक्य होऊ शकलं नाही. अखेर आज त्यांनी सुवर्ण तलवार अर्पण केली.

6 / 7

तामिळनाडूच्या कोईम्बतूरस्थित एका ज्वेलर्सनं या सुवर्ण तलावारीचं डिझाइन तयार केलं आहे. ही तलवार तयार करण्यासाठी जवळपास ६ महिन्यांचा कालावधी लागला आहे.

7 / 7

यापूर्वी, तामिळनाडूच्या तेनी येथील सुप्रसिद्ध कापड व्यापारी थांगा दोराई यांनी २०१८ मध्ये भगवान व्यंकटेश्वराला १.७५ कोटींची सोन्याची तलवार दान केली होती. यासाठी सुमारे सहा किलो सोन्याचा वापर केला गेला होता.