नाशिकमध्ये जोरदार पावसामुळे गोदावरीला पूर, नागरिकांना सतर्कतेचा इशारा

1 / 12

नाशिकमध्ये मागील तीन दिवसांपासून पावसाचे आगमन झाले असून मागील 24 तासांपासून पावसाचा जोर चांगलाच वाढला आहे. जोरदार पावसामुळे गोदावरीला पूर आला आहे.

2 / 12

गंगापूर धरणातून कुठल्याहीप्रकारे विसर्ग करण्यात आलेला नसला तरीदेखील गोदापात्रातील दुतोंड्या मारूतीची मुर्ती गुडघ्यापर्यंत पाण्यात बुडाली असून गोदापात्राच्या पाण्याच्या पातळीत वाढ झाली आहे.

3 / 12

नाशिकमध्ये रविवारी पहाटेपासून रात्री उशिरापर्यंत जोरदार पावसाचा इशारा मुंबई येथील वेधशाळेकडून देण्यात आला आहे.

4 / 12

नागरिकांनी सतर्कता बाळगण्याचे आवाहन जिल्हा प्रशासनाने केले आहे.

5 / 12

गरज भासल्यास नाशिककरांनी घराबाहेर पडावे. नदीपात्रालगत जाऊ नये. नदीकाठावरील रहिवाशांनी सुरक्षितस्थळी स्थलांतर करावे, असे आवाहन अग्निशमन दलाकडून केले जात आहे.

6 / 12

नाशिकमध्ये आज दिवसभर जोरदार पावसाचा हवामान खात्याचा अंदाज

7 / 12

पावसाची संततधार सुरू आहे. वालदेवी नदीला पूर आला आहे.

8 / 12

शनिवारी रात्री नऊ वाजेपासून पावसाला जोरदार सुरूवात झाली. रविवारी पहाटे साडेपाच वाजेपासून सकाळी साडे आठवाजेपर्यंत शहरात 32.8मि.मीपर्यंत पाऊस पडल्याची नोंद झाली.

9 / 12

शनिवारी सकाळी साडेआठ वाजेपासून रविवारी सकाळी साडेआठ वाजेपर्यंत 70.5 मिमी पाऊस पडल्याची माहिती पेठरोडवरील हवामान केंद्राने दिली.

10 / 12

मागील 24 तासांपासून गंगापूर धरण पाणलोट क्षेत्रात जोरदार पाऊस सुरू असल्याने धरणात पाण्याची नवीन आवक सुरू.

11 / 12

धरणसाठा 15.22 टक्के. पहाटे 6 वाजेपर्यंत गंगापूर क्षेत्रात 96 मिमी. पाऊस

12 / 12

पिंपळगाव बहुला येथील नाशिक त्र्यंबकेश्वर रस्त्यावरील पुल पावसाच्या पाण्याखाली गेल्याने वाहतूक बंद करण्यात आली आहे.