भारीच! एकेकाळी एअरपोर्टवर साफ सफाई करायचा; अन् आता करोडोंच्या टर्नओव्हरवाल्या कंपनीचा मालक

ऑस्ट्रेलियातील एका मल्टीनॅशनल डिजिटल फर्मच्या कंपनीच्या मालकाचे नाव आमिर कुतुब आहे. आमिर कुतुब हा तरूण आता ३१ वर्षाचा आहे. एकूण चार देशात या कंपनीचा व्यवसाय सुरू असून जवळपास १० कोटी रुपयांचा या कंपनीचा टर्नओव्हर आहे. पण एकेकाळी आमिर एअरपोर्टवर साफसफाईचं काम करत होता. याशिवाय वृत्तपत्र घरोघरी पोहोचवण्याचेही काम केले. त्यानंतर स्वतःचा व्यवसाय उभा करण्याच्या इच्छेच्या जोरावर आमिरने इतका मोठा व्यवसाय सुरू केला.

आमिर कुतुब हा अलीगडमधील मध्यमवर्गीय कुटुंबातील रहिवासी आहे. त्याचे वडील सरकारी नोकरीत असून आई गृहिणी आहे. आमिरच्या वडिलांची इच्छा होती की त्याच्या मुलाने मोठा व्हावा म्हणून त्याने डॉक्टर किंवा इंजिनिअर व्हावे. त्यासाठी त्याच्या वडिलांनी बारावीनंतर बीटेकमध्ये बी.टेकमध्ये एडमिशन करून दिलं. पण आमीरला अभ्यासात अजिबात रस नव्हता.

बीटेक कोर्स दरम्यान सोशल नेटवर्किंग अ‍ॅप तयार करण्याची कल्पना आमिरला सुचली. ही कल्पना ऐकून मित्रांनी सुरूवातीला खिल्ली उडवली. तरिही आमिरने यासाठी कोडिंग शिकण्यास सुरूवात केली. काही दिवस कोडिंग शिकल्यानंतर आमिरने एका मित्रासह एक सोशल नेटवर्किंग अॅप तयार करुन लाँच केले. एका आठवड्यातच दहा हजार विद्यार्थी या अ‍ॅपचा वापर करून लागले.

इंजिनिअरींगचे शिक्षण घेतल्यानंतर आमीरला दिल्लीतील होंडा कंपनीत नोकरी मिळाली. होंडा येथे काम करत असताना ऑनलाइन काम करण्यावर जास्त भर दिला. या कामामुळे कंपनीच्या प्रमुखांना आनंद झाला आणि त्यांनी ऑनलाइन प्रणाली बर्‍याच ठिकाणी राबवायला सुरूवात केली. कालांतराने व्यवसाय करण्याची तीव्र इच्छा असल्यामुळे एका वर्षानंतर त्याने होंडा कंपनीची नोकरी सोडली.

बराच विचार केल्यानंतरही आमिरला कोणत्याही व्यवसायाबद्दल खास आकर्षण वाटलं नाही, तेव्हा त्यानं वेबसाइट डिझायनिंगचे काम करायला सुरूवात केली. फ्रीलांसिंग करत असताना आमिरला ऑस्ट्रेलिया, अमेरिका, यूके येथून ग्राहक मिळाले. त्यातील काहींनी सल्ला दिला की तुम्ही परदेशात आपला व्यवसाय का करीत नाही? क्लायंटच्या सल्ल्यानंतर आमीर स्टुडंट व्हिसावर ऑस्ट्रेलियाला आला आणि तेथील एमबीए कॉलेजमध्ये प्रवेश घेतला.

प्रथम सत्रात एमबीए करण्यासाठी शिष्यवृत्ती मिळाली होती. घरातून काही पैसे मिळाले. पण ऑस्ट्रेलिया गाठल्यानंतर दुसर्‍या सेमिस्टरसाठी लागणारी फी हे एक आव्हान बनले. अशा परिस्थितीत आमिर नोकरी शोधू लागला. त्याने सुमारे दीडशे कंपन्यांना अर्ज केला पण त्यांना कुठेही नोकरी मिळाली नाही. कारण ते लोक भारताचा अनुभव स्वीकारत नव्हते.

तीन महिन्यांच्या प्रयत्नांनंतर आमिरला विमानतळावर सफाई कामगाराची नोकरी मिळाली. त्याला या कामासाठी प्रति तास 20 डॉलर्स मिळत होते. दिवसभर नोकरी असल्याने त्याला अभ्यासासाठी वेळ मिळत नव्हता. त्यानंतर त्याने साफसफाईचे काम सोडले आणि 3 ते 7 वृत्तपत्र टाकण्याचे काम करायला सुरूवात केली. आमिरच्या कुटुंबीयांना जेव्हा हे समजले तेव्हा लोक खूप रागावले आणि त्यांनी त्याला भारतात परत यायला सांगितले. पण स्वत: चा व्यवसाय सुरू करण्याच्या ध्येयाने कसलाही त्याला त्रास झाला नाही. बरीच मेहनत घेतल्यानंतर आमीरने कसं तरी ऑस्ट्रेलियामध्ये त्याच्या कंपनी नोंदणी केली. पण आता ग्राहकांसमोर उभे राहण्याचे आव्हान त्याच्यासमोर होते.

एके दिवशी आमिरला बसमध्ये एक छोटासा व्यापारी भेटला. आमिरच्या कामाविषयी ऐकून त्या माणसाने सांगितले की तुम्हाला हवे असल्यास तुम्ही माझ्या कंपनीसाठी एक सिस्टम बनवू शकता परंतु मी त्यासाठी कोणतेही पैसे देणार नाही. आमिरने त्या व्यक्तीसाठी अशी एक प्रणाली तयार केली, ज्यामुळे त्याचे महिन्याला 5000 डॉलर्स वाचले. त्यामुळे आमिरच्या कामावर ती व्यक्ती खुश होती आणि त्याने केवळ पैसेच दिले नाहीत तर बरेच ग्राहकही मिळवून दिले.

अशाप्रकारे आमिरचं मार्केट हळू हळू सेट होत गेलं. आता चार देशांमध्ये ही कंपनी कार्यरत असून सुमारे 10 कोटींची उलाढाल आहे. आमिरच्या कंपनीत 100 पर्मनंट कर्मचारी तर सुमारे 300 कर्मचारी कॉट्रक्ट बेसवर कामावर आहेत. ( Image Credit- Social Media)