जबरदस्त! एअर इंडियाला मिळाले पहिले A350-900 विमान; पाहा या भव्य विमानाचे खास फोटो

Air India Airbus A350: टाटा समूहाची एअरलाइन एअर इंडियाला शनिवारी त्यांचे पहिले Airbus A350 विमान मिळाले.

टाटा एअर इंडिया आपल्या ताफ्यात आता आणखी वाढ करणार आहे. त्यांचे पहिले Airbus A350 हे विमान भारतात दाखल झाले आहे.

प्रदीर्घ प्रतीक्षेनंतर शनिवारी २३ डिसेंबर रोजी एअर इंडियाला एअरबस A350 विमान मिळाले. हे विमान फ्रान्समधील टुलुस येथील एअरबस प्लांटमधून दिल्लीत आले आहे.

नवीन तंत्रज्ञानाने बनवलेल्या एअरबस A350-900 विमानात एकूण 316 आसने आहेत, जी प्रवाशांच्या सोयीसाठी तयार करण्यात आली आहेत. या विमानात एकूण तीन श्रेणीतील केबिन आहेत.

या विमानात 28 बिझनेस क्लास, 24 प्रीमियम इकॉनॉमी आणि एकूण 264 इकॉनॉमी सीट्स आहेत.

एअर इंडियाने एअरबसकडून 20 नवीन A350-900 विमानांची ऑर्डर दिली होती, त्यापैकी एअरलाइनला मार्च 2024 पर्यंत 5 विमानांची ऑर्डर मिळेल.

एअर इंडियाचे सीईओ आणि एमडी कॅम्पबेल विल्सन यांनी A350-900 विमानांचे भारतात आगमन हा एक संस्मरणीय दिवस असल्याचे वर्णन केले आहे. यापूर्वी, कंपनीने ग्राउंड स्टाफ आणि एअर इंडिया एक्सप्रेसच्या कर्मचार्‍यांसाठी नवीन ड्रेस देखील सादर केले होते. हे प्रसिद्ध डिझायनर मनीष मल्होत्रा ​​यांनी डिझाइन केले आहे.

टाटा समूहाने एअर इंडियाचे अधिग्रहण केल्यानंतर विमान कंपन्यांमध्ये अनेक मोठे बदल केले जात आहेत. याआधी कंपनीने नवीन ब्रँडचा लोगोही जाहीर केला होता.