चंद्रग्रहणात गजकेसरी योग: ४ राजयोगांचा ६ राशींना लाभ, कर्जमुक्ती; अपार यश-प्रगती, शुभ होईल!

कोजागिरी पौर्णिमेला लागणारे चंद्रग्रहण अनेकार्थाने विशेष ठरत असून, काही राशींना सर्वोत्तम लाभ मिळू शकतात, असे सांगितले जात आहे.

कोजागिरी पौर्णिमेला चंद्रग्रहण लागणार आहे. विशेष म्हणजे हे चंद्रग्रहण भारतातून दिसणार आहे. त्यामुळे वेधादि नियम पाळावेत, असे सांगितले जात आहे. ज्योतिषशास्त्रानुसार, हे चंद्रग्रहण अतिशय विशेष ठरणारे आहे. या चंद्रग्रहणाला विशेष अद्भूत अन् शुभ योग जुळून येत आहेत.

कोजागिरी पौर्णिमेला लागणारे चंद्रग्रहणावेळी चंद्र मेष राशीत असेल. या राशीत गुरु आणि राहु विराजमान आहेत. गुरु आणि चंद्राच्या युतीने शुभ मानला गेलेला गजकेसरी योग जुळून येत आहे. याशिवाय चंद्रग्रहण सुरू होताना सिद्ध योग जुळून येत आहे. शनी मूळ त्रिकोण राशीत असून, शश नामक शुभ राजयोग तयार होत आहे. तसेच तूळ राशीत सूर्य आणि बुधाचा बुधादित्य राजयोग जुळून येत आहे.

तसेच तूळ राशीत सूर्य, बुध, मंगळ आणि केतु यांचा चतुर्ग्रही योग जुळून येत आहे. सूर्य आणि बुध यांच्या युतीचा बुधादित्य योग जुळून येत आहेत. ४ अद्भूत योगांचा ६ राशींना उत्तम लाभ होईल, असे म्हटले जात आहे. बिझनेस, आर्थिक आघाडी, नोकरी, व्यवसाय, व्यापार यात सकारात्मक परिणाम मिळू शकतील, असे सांगितले जाते. जाणून घेऊया...

वृषभ: अश्विनी नक्षत्रात चंद्रग्रहण होणार असून, याचा भरपूर फायदा होणार आहे. कामाच्या ठिकाणी सुरू असलेल्या समस्या दूर होतील. करिअरमध्ये प्रगतीच्या शुभ संधी मिळतील. लक्ष्मी कृपेने आर्थिक स्थिती मजबूत होईल. जुन्या कर्जातून मुक्ती मिळू शकते. धैर्य आणि शौर्यामध्ये सामर्थ्य असल्यास चांगले यश मिळेल. नोकरदारांना चांगले फायदे मिळतील. शुभ योगाच्या प्रभावामुळे मालमत्ता खरेदीमध्ये यश मिळेल. कुटुंबातील सदस्यांचे पूर्ण सहकार्य मिळेल. कोणतेही सरकारी काम अडकले असेल तर पूर्ण होण्याची शक्यता आहे.

मिथुन: हे ग्रहण यश, प्रगतीचे बंद दरवाजे उघडेल. प्रत्येक क्षेत्रात लाभ मिळण्याची शक्यता आहे. व्यवसाय केल्यास व्यवसायात नफा मिळण्याची शक्यता आहे. उपजीविकेत चांगली वाढ होईल. आरोग्याबाबत काही समस्या येत असतील तर ती दूर होईल. पालकांसोबतचे नाते अधिक घट्ट होतील. वैयक्तिक प्रयत्नांमुळे कामाच्या ठिकाणी यश मिळण्याची शक्यता निर्माण होईल. लक्ष्मी कृपेने मदतीने आर्थिक स्थिती सुधारेल. कुटुंबात एक नवीन ओळख मिळेल.

सिंहः लक्ष्मी कृपेने धन-धान्याची कमतरता भासणार नाही. आर्थिक लाभ होण्याची शक्यता आहे. समाजात प्रतिमा सुधारेल. लांबच्या प्रवासाला जाण्याची संधी मिळेल. शुभ योगाच्या प्रभावामुळे परदेशात नोकरी किंवा स्थायिक होण्याची संधी मिळेल. सर्व कामे मार्गी लागतील. कौटुंबिक आणि वैवाहिक जीवन चांगले होईल.

कन्या: शुभ योगाने विरोधक पराभूत होतील. जोडीदारासोबत नवीन व्यवसाय सुरू करू शकतात. ज्या कामाचा खूप दिवसांपासून विचार करत होता, ते पूर्ण होईल. नशिबासोबत आर्थिक लाभही मिळेल. धार्मिक कार्य केल्याने मन शांत राहून शाश्वत पुण्य प्राप्त होते. सासरच्या लोकांकडून चांगले सहकार्य मिळेल. लक्ष्मी कृपेने संपत्तीत वाढ होण्याच्या शुभ संधी मिळू शकतील. व्यावसायिकांना मोठा सौदा मिळू शकतो.

मकर: अद्भूत योगांचा शुभ प्रभाव तुम्हाला वैयक्तिक आणि व्यावसायिक जीवनावर पडू शकेल. लक्ष्मी कृपेने कामाच्या ठिकाणी वरिष्ठ अधिकाऱ्यांचे सहकार्य मिळेल. प्रभाव लक्षणीय वाढेल. काही सरकारी योजनेचा चांगला लाभ मिळेल. मनात आनंदाची भावना असेल. आदर वाढेल. नवीन माहिती मिळेल. मानसिक तणावातून आराम मिळेल. कौटुंबिक जीवन चांगले राहील. घरगुती खर्च कमी होतील. उत्पन्नाचे नवीन मार्ग खुले होतील.

कुंभ: शुभ योगांचा शुभ प्रभाव पडेल. प्रवासातून फायदा होण्याची शक्यता आहे. विरोधक पराभूत होऊ शकतील. कौटुंबिक जीवन देखील चांगले राहील. कामातून वैयक्तिक जीवनात समाधान मिळेल. लक्ष्मी कृपेने भांडवली गुंतवणुकीनंतर नफा मिळविण्याची चांगली संधीही मिळेल. मन शांत राहील.

कोजागिरी पौर्णिमेला चंद्रग्रहण लागणार आहे. हे खंडग्रास प्रकारातील चंद्रग्रहण असून, भारतातून दिसणार आहे. चंद्रग्रहणाचा वेधारंभ २८ ऑक्टोबर रोजी दुपारी ०३ वाजून १० मिनिटांपासून सुरु होत असून, चंद्रग्रहणाचा स्पर्श रात्रौ ०१ वाजून ०५ मिनिटांनी होणार आहे. रात्रौ ०१ वाजून ४४ मिनिटांनी ग्रहणाचा मध्य असेल. तर ग्रहणाचा मोक्ष रात्रौ ०२ वाजून २३ मिनिटांनी होईल. ग्रहणाचा पर्वकाल ०१ तास १८ मिनिटे असेल.

कोजागिरी पौर्णिमा शुक्रवार, २७ ऑक्टोबर २०२३ रोजी उत्तररात्रौ ०४ वाजून १७ मिनिटांनी प्रारंभ होत असून, शनिवार, २८ ऑक्टोबर २०२३ रोजी उत्तररात्रौ ०१ वाजून ५३ मिनिटांनी समाप्त होत आहे. भारताच्या जवळपास सर्व शहरांमध्ये हे चंद्रग्रहण दिसणार असल्याचे सांगितले जात आहे. यंदाच्या वर्षातील शेवटच्या चंद्रग्रहणाला शुभ योग जुळून येत आहेत.

- सदर माहिती सामान्य गृहीतके आणि ज्योतिषीय मान्यतांवर आधारित असून, यासंदर्भात तज्ज्ञ व्यक्तींचा सल्ला घेणे उपयुक्त ठरू शकेल, असे सांगितले जात आहे.