३४ KM मायलेज अन् ६ एअरबॅग्सची सुरक्षा; देशातील सर्वात स्वस्त कारवर मिळतोय बंपर डिस्काउंट

Maruti Suzuki Alto K10: कारची किंमत ४ लाख २३ हजार रुपयांपासून सुरू होते.

Maruti Suzuki Alto on Discount: भारतीय बाजारपेठेत जेव्हा सर्वात स्वस्त कार्सची चर्चा होते, तेव्हा मारुती सुझुकी अल्टो के-१० चे नाव सर्वात वर येते. ही कार आकाराने लहान असली तरी, मायलेजच्या बाबतीत सर्वाधिक पसंत केली जाणारी कार आहे.

तुम्ही ऑफिसला जाण्यासाठी किंवा दैनंदिन प्रवासासाठी अल्टो खरेदी करण्याचा विचार करत असाल, तर तुमच्यासाठी ही एक उत्तम संधी आहे. या महिन्यात मारुती अल्टोवर बंपर डिस्काउंट दिला जातोय.

दिल्ली-एनसीआरच्या स्थानिक डीलरशिपनुसार, अल्टो के-१० च्या पेट्रोल मॅन्युअल व्हेरिएंटवर ६२,५०० रुपये, ऑटोमॅटिक व्हेरिएंटवर ६७,५०० रुपये आणि सीएनजी (मॅन्युअल) व्हेरिएंटवर ६२,५०० रुपयांपर्यंत सूट दिली जात आहे. रोख सवलतींव्यतिरिक्त, कारमध्ये एक्सचेंज ऑफर आणि कॉर्पोरेट ऑफर समाविष्ट आहेत. महाराष्ट्रात डिस्काउंटची रक्कम कमी-जास्त असू शकते.

मारुती सुझुकी अल्टो के-१० ची एक्स-शोरूम किंमत ४ लाख २३ हजार रुपयांपासून सुरू होते आणि टॉप मॉडेलसाठी ही किंमत ६ लाख २१ हजार रुपये आहे. त्याच्या LXi S-CNG व्हेरिएंटची किंमत ५ लाख ९० हजार रुपये एक्स-शोरूम आहे.

कंपनीने मारुती सुझुकी अल्टो K10 मध्ये १.० लिटर ३ सिलेंडर इंजिन दिले आहे. हे इंजिन ६६ बीएचपीच्या कमाल पॉवरसह ८९ एनएमचा पीक टॉर्क जनरेट करते. यासोबतच, ते ५-स्पीड मॅन्युअल किंवा एएमटी गिअरबॉक्सशी जोडलेले आहे.

या कारमध्ये सीएनजीपर्याय देखील उपलब्ध आहे. कंपनीच्या मते, कारचे पेट्रोल व्हेरिएंट प्रति लिटर सुमारे २५ किमी मायलेज देते. तर, या कारचे सीएनजी व्हेरिएंट ३३ किमी पर्यंत मायलेज देण्यास सक्षम आहे.

कंपनीने या कारमध्ये एसी, फ्रंट पॉवर विंडो, पार्किंग सेन्सर, सेंट्रल कन्सोल आर्मरेस्ट, गियर शिफ्ट इंडिकेटर, अॅडजस्टेबल हेडलॅम्प, हॅलोजन हेडलॅम्प, अँटी-लॉक ब्रेकिंग सिस्टम, सेंट्रल लॉकिंग, चाइल्ड सेफ्टी लॉक, ड्युअल एअरबॅग्ज असे अनेक उत्तम फीचर्स दिले आहेत.