१ ऑगस्ट रोजी राष्ट्रीय लोकअदालत

या लोकअदालतीमध्ये जिल्ह्यातील सर्व न्यायालयांमधील तडजोडपात्र प्रकरणे ठेवली जातील. फौजदारी प्रकरणे, बँक वसुली प्रकरणे, मोटार अपघातांची प्रकरणे, पाणी आकार प्रकरणे, वेतन व त्यांची सेवाविषयक प्रकरणे, महसूल प्रकरणे आणि दिवाणी स्वरूपाची इतर प्रकरणे, तसेच बँकेची वसुली वादपूर्व दाखल प्रकरणे या राष्ट्रीय लोकअदालतीमध्ये ठेवली जाणार आहेत. जास्तीत जास्त प्रकरणे तडजोडीतून निकाली काढण्याच्या उद्देशाने न्यायाधीश व वकील यांचे पॅनल संबंधितांना मदत करणार आहे. विशेष म्हणजे, या प्रकरणांसाठी कुठलेही शुल्क आकारले जाणार नाही. तेव्हा ज्या न्यायालयात प्रकरणे दाखल आहेत तेथे अर्ज करावा आणि जिल्हा विधि सेवा प्राधिकरण व तालुका विधि सेवा समितीकडे १ ऑगस्टपूर्वी अर्ज करून माहिती द्यावी, असे आवाहन जिल्हा विधि सेवा प्राधिकरणाच्या वतीने करण्यात आले आहे.