१८ ते २१ फेब्रुवारी या काळात वर्धा येथे या स्पर्धा पार पडल्या. त्यात सिनियर गटात सृष्टी अंभोरे हिने ननकॉन तर गंगासागर गबाळे हिने ननमुन या वुशू प्रकारात सुवर्णपदक पटकाविले, तसेच डुबेल या प्रकारात सृष्टी अंभुरे व गंगासागर गबाळे यांनी सुवर्णपदक मिळविले. शुभांगी अंभुरे हिने तायजीकॉन या वुशू प्रकारात सुवर्ण पदक मिळविले. त्याचप्रमाणे अथर्व सवंडकर (गुनशू), गीता गबाळे (ननगुन), हृषीकेश (सान्सू) यांनी रौप्यपदक पटकाविले. जान्हवी खिस्ते हिने ननकॉन या वुशू प्रकारात तसेच शुभांगी अंभुरे, जान्हवी खिस्ते यांनी कांस्य पदक मिळविले. सपना खरात हिने सान्सू या वुशू क्रीडा प्रकारात ६० किलो आतील वजन गटात कांस्य पदक प्राप्त केले.
परभणीत विजेत्यांचाा सत्कार
वुशू स्पर्धेत पदकांची कमाई करणाऱ्या खेळाडूंचा परभणी येथे सत्कार करण्यात आला. याप्रसंगी महाराष्ट्र वुशू संघटनेचे अध्यक्ष एस.एस. झेंडे, महाराष्ट्र सचिव एस.एस. कटके, परभणी वुशू संघटनेचे अजीत वरपूडकर, सिचव पांडुरंग अंभुरे, पत्रकार मंदार कुलकर्णी, सूर्यकांत मोगल, शंभूसिंग ठाकूर, राजेश ढवळे, दत्ता गरुड आदींची उपस्थिती होती. विजेत्या खेळाडूंना मास्टर पांडुरंग अंभुरे, बालासाहेब माने, अभिजीत चव्हाण, पंकज सोनी यांचे मार्गदर्शन लाभले.