ऑनलाइन लोकमत
मोहाली, दि. १५ : हशीम अमलाच्या शानदार अर्धशतकी खेळाच्या जोरावर पंजाब संघाने निर्धारीत २० षटकात ४ गड्यांच्या मोबदल्यात १७९ धावांचा डोंगर उभा केला आहे. हैदराबाद संघाला प्ले ऑफ मधील आपले स्थान पक्के करण्यासाठी २० षटकात १८० धावांची गरज आहे. फार्मात असणारा कर्णधार आणि सलामीवीर मुरली विजय (६) लवकर बाद झाल्यानंतर अमलाने शहा(२७) सोबत डाव सावरण्याचा प्रयत्न केला. अमला आणि शहाने दुसऱ्या विकेटसाठी ५४ धावांची भागीदारी केली. शहा बाद झाल्यानंतर अमलाने गुरकीत सिंगला साथीला घेत संघाची धावसंख्या वाढवण्याचे काम केले. पण फटकेबाजी करण्याच्या नादात गुरकीत २७ धावावर बाद झाला. गुरकित आणि अमला यांनी तिसऱ्या विकेटसाठी ६.१ षटकात ६५ धावांची भागीदारी केली. अमलाने आपला जलवा दाखवताना हैदराबादच्या तगड्या गोलंदाजीला फोडून काढले. ५६ चेंडूचा सामना करताना २ षटकार आणि १४ चौकारांच्या मदतीने शानदार ९६ धावांची अर्घशतकी खेळी केली. मिलरने ९ चेंडूत २० धावांचे योगदान दिले.
हैदराबादकडून हेनरिक्स, मुस्तफ्जूर यांनी प्रत्येकी एका फलंदाजाला बाद केले. तर भुवनेश्वर कुमारने २ फलंदाजाना तंबूचा रस्ता दखवला