ऑनलाइन लोकमत
पॅरीस, दि. ३ : भारताचा दिग्गज टेनिसपटू लिएंडर पेस याने स्वित्झर्लंडच्या मार्टिना हिंगीससह खेळताना अंतिम फेरीत भारताच्याच सानिया मिर्झा व क्रोएशियाच्या इव्हान डोडिग यांना नमवून फ्रेंच ओपनचे मिश्र दुहेरी विजेतेपद पटकावले. तीन सेटपर्यंत चुरशीच्या झालेल्या लढतीत पेस - हिंगीस यांनी झुंजार खेळ करताना पिछाडीवर पडल्यानंतर सलग दोन सेट जिंकत बाजी मारली.सानिया - डोडिग यांनी सकारात्मक सुरुवात करताना आक्रमक खेळाच्या जोरावर पेस - हिंगीस यांना पहिल्या सेटमध्ये ६-४ असे नमवले. मात्र यानंतर पेस - हिंगीस या अनुभवी जोडीने आपला सर्व अनुभव पणास लावताना सलग दोन सेटमध्ये बाजी मारत सानिया - डोडिग यांना ४-६, ६-४, १०-८ असे नमवले. अंतिम सेटमध्ये सानिया - डोडिग यांनी जबरदस्त झुंज दिली. मात्र मोक्याच्यावेळी खेळ उंचावताना पेस - हिंगीस यांनी विजेतेपदावर नाव कोरले.