ऑनलाइन लोकमत
{{#config.logo.enabled}}
{{/allowed}}मोहाली, दि. १५ : पंजाबने दिलेले १८० धावांचे आव्हान हैदराबाद संघाने सांघिक कामगीरीच्या जोरावर जहज पार केले. पंजाबने दिलेले १८० धावांचे आव्हान हैदराबादने ३ गड्यांच्या मोबदल्यात २० षटकात १८३ धावा करत सहज पार केले. युवराज सिंग आणि डेव्हिड वार्नर या विजयाचे शिल्पकार ठरले.
कर्णधार डेव्हिड वार्नरने तडाखेबाज अर्धशतक करत कर्णधारास साजेशी खेळी केली. वार्नरने ४१ चेंडूत ५२ धावा केल्या. शिखर धवन २५, हुड्डा ३४ यांनी ही मोलाचे योगदान दिले. युवराज सिंगने विजयात सिंहाचा वाटा उचलला. शेवटच्या क्षणापर्यंत तो मैदानावर तळ ठोकूण उभा होता. युवराजने २४ चेंडूचा सामना करताना ३ चौकार आणि ३ षटकारांच्या मदतीने ४२ धावा केल्या. कंटीगने ११ चेंडूत २१ धावा करत विजयात आपले महत्वपूर्ण योगदान दिले.
त्यापुर्वी, नाणेफेक जिंकून प्रथम फलंदाजी करताना हशीम अमलाच्या शानदार अर्धशतकी खेळाच्या जोरावर पंजाब संघाने निर्धारीत २० षटकात ४ गड्यांच्या मोबदल्यात १७९ धावांचा डोंगर उभा केला. फॉर्मात असणारा कर्णधार आणि सलामीवीर मुरली विजय (६) लवकर बाद झाल्यानंतर अमलाने शहा(२७) सोबत डाव सावरण्याचा प्रयत्न केला. अमला आणि शहाने दुसऱ्या विकेटसाठी ५४ धावांची भागीदारी केली. शहा बाद झाल्यानंतर अमलाने गुरकीत सिंगला साथीला घेत संघाची धावसंख्या वाढवण्याचे काम केले. पण फटकेबाजी करण्याच्या नादात गुरकीत २७ धावावर बाद झाला. गुरकित आणि अमला यांनी तिसऱ्या विकेटसाठी ६.१ षटकात ६५ धावांची भागीदारी केली. अमलाने आपला जलवा दाखवताना हैदराबादच्या तगड्या गोलंदाजीला फोडून काढले. ५६ चेंडूचा सामना करताना २ षटकार आणि १४ चौकारांच्या मदतीने शानदार ९६ धावांची अर्घशतकी खेळी केली. मिलरने ९ चेंडूत २० धावांचे योगदान दिले.
हैदराबादकडून हेनरिक्स, मुस्तफ्जूर यांनी प्रत्येकी एका फलंदाजाला बाद केले. तर भुवनेश्वर कुमारने २ फलंदाजाना तंबूचा रस्ता दखवला