ऑनलाइन, दि. ११ - चेन्नई सुपर किंग्ज आणि सनराइजर्स हैद्राबाद यांच्यात झालेल्या आयपीएलच्या सामन्यात चेन्नई सुपर किंग्जने ४५ धावांनी विजय मिऴवला. फलंदाज ब्रँडन मॅकलमने केलेल्या शानदार शतकी खेळीमुळे चेन्नई सुपर किंग्जने सनराइजर्स हैदराबादसमोर जिंकण्यासाठी २१० धावांचे लक्ष्य ठेवले. मात्र, या धावांचा पाठलाग करण्यासाठी मैदानात उतरलेल्या सनराइजर्स हैदराबादच्या खेळाडूंना चांगली कामगिरी करता आली नाही. सनराइजर्स हैदराबादने २० षटकात सहा बाद १६४ धावा केल्या. यामध्ये डेव्हिड वॉर्नरने सर्वाधिक अर्धशतक करत ५३ धावा केला, तर शिखर धवन (२६), केएल. राहुल (५) तर ओझा (१५), बोपारा (२२), विल्ममसन (नाबाद २६), केव्ही शर्मा (४) आणि परवेझ रसूलने नाबाद २ धावा केल्या.
चेन्नई सुपर किंग्जकडून ब्रँडन मॅकलमने नाबाद शतकी खेळी केली, तर महेंद्रसिंग धोनीनेही ५३ धावा केल्या. स्मिथ २७ धावांवर बाद झाला, तर रैना १४ धावांवर धावचीत होऊन तंबूत परतला. जडेजाही शून्यावरच धावचीत झाला. २० षटकांत चेन्नई सुपर किंग्जने धावसंख्या ४ बाद २०९ इतकी केली. गोलंदाज शर्माने २ तर अश्विनने १ विकेट्स घेतले.