शिक्षक पती-पत्नीने घेतला २ कोटी २० फुकट पगार, आता सरकारला द्यावे लागणार ९.२० कोटी

शिक्षकाची नोकरी करणाऱ्या पती-पत्नीने १९९८-९९ पासून शाळेत शिकवायला न जाताच इतकी वर्षे पगार घेतला. त्यांचे हे प्रकरण समोर आल्यानंतर शिक्षण विभागही हादरला.  

पती १९९८ मध्ये तर पत्नी १९९ मध्ये शिक्षण म्हणून सेवेत रूजू झाली. तेव्हापासून दोघेही शाळेत वर्ग घेण्यासाठी गेलेच नाहीत. त्यांनी या काळात तब्बल २ कोटी २० लाख इतके वेतनही घेतले. पण, दोघेही विद्यार्थ्यांना न शिकवत फक्त पगारच घेत असल्याचे समोर आल्यानंतर शिक्षण विभाग हादरून गेला. या प्रकरणात दोषी ठरलेल्या शिक्षक पती-पत्नीकडून ९ कोटी २० लाख रुपये वसूल करण्याचे आदेश आता काढण्यात आले आहेत. 

ही घटना राजस्थानच्या शिक्षण विभागात घडली आहे. शिक्षक पती-पत्नी विद्यार्थ्यांना शिकवायला जातच नव्हते, पण बोगस स्वाक्षऱ्या करून पगार घेत असल्याचे चौकशीतून समोर आले आहे. शिक्षक म्हणून रूजू झाल्यानंतर त्यांनी एका पुरुषाला आणि महिलेला विद्यार्थ्यांचे क्लास घेण्यासाठी ठेवले होते, त्यासाठी ते त्यांना काही पैसेही देत होते. 

तक्रारीनंतर सुरू झाली होती चौकशी

विष्ण गर्ग आणि त्यांची पत्नी मंजू गर्ग यांचीराजस्थानातील बारां जिल्ह्यातील राजपूर येथे असलेल्या प्राथमिक शाळेत शिक्षक म्हणून नियुक्त करण्यात आली होती. पण, मागील अनेक वर्षांपासून दोघेही शाळेतच जात नव्हते. शिक्षण विभागाने या प्रकरणी २१ डिसेंबर २०२३ मध्ये तक्रार दिली होती. त्यानंतर याची चौकशी सुरू झाली होती. 

आतापर्यंत उचलला २.२० कोटी पगार

चौकशीतून समोर आले की, विष्ण गर्ग यांची नियुक्ती १९९७-९८ मध्ये झाली होती. तर मंजू गर्ग यांची नियुक्ती १९९ मध्ये झाली होती. तेव्हापासून आतापर्यंत दोघांनी तब्बल २ कोटी २० लाख रुपये इतका पगार घेतला. त्याचबरोबर दोघेही माध्यान्ह भोजन आहार आणि शाळेसाठी असलेल्या इतर निधीतही घोटाळा करून पैसे उकळत होते. 

व्याजासह वसुली 

शिक्षण विभागाने या प्रकरणाची गंभीर दखल घेत दोषी आढळून आलेल्या शिक्षक पती-पत्नीकडून व्याजासह वसुली करण्याचा निर्णय घेतला आहे. शिक्षण विभागाने दोघांकडून ९ कोटी २० लाख रुपये वसूल करण्याचे आदेश काढले आहेत.