नियतीची आणि योगायोगाची सांगड घालणारी एक अत्यंत भावनिक आणि आश्चर्यकारक घटना उत्तर प्रदेशातील बरेली जिल्ह्यातील काशीपूर गावात घडली आहे. सुमारे ४० वर्षांपूर्वी वयाच्या अवघ्या १५ व्या वर्षी घर सोडून गेलेला ओमप्रकाश नावाचा तरुण, आता ५ मुलांचा बाप झाल्यानंतर अचानक आपल्या गावी परतला आहे.
४० वर्षांपूर्वी घर सोडल्यानंतर ओमप्रकाश दिल्लीला गेला आणि त्याने तेथे मुस्लिम धर्म स्वीकारला. त्याने आपले नाव बदलून 'सलीम' ठेवले. याच नव्या ओळखीत त्याने एका मुस्लिम महिलेशी शहाबानोशी विवाह केला आणि त्यांना पाच अपत्ये झाली. दिल्लीतील उस्मानपूर परिसरात तो कुटुंबासह तंबूच्या साहित्याचा व्यवसाय करत होता.
सर्वेक्षणामुळे जुनी ओळख उघड सध्या सुरू असलेल्या SIR सर्वेमध्ये जेव्हा सलीमच्या मूळ आणि जन्मस्थळाच्या कागदपत्रांची पडताळणी सुरू झाली, तेव्हा दिल्लीत बनवलेले त्याचे 'सलीम' नावाचे दस्तऐवज आणि त्याची मूळ ओळख जुळत नव्हती. कागदपत्रांच्या पडताळणीतील या अडचणीमुळे त्याला मूळ ओळख सिद्ध करण्यासाठी आणि प्रमाणपत्रासाठी आपल्या जन्मगावी, काशीपूरला येणे भाग पडले.
४० वर्षांनंतर गावात परतलेल्या ओमप्रकाशचे (सलीमचे) गावकरी आणि कुटुंबीयांनी जोरदार स्वागत केले. बहिणी आणि नातेवाईकांनी त्याला आनंदाने मिठी मारली. बँड-बाजा आणि पुष्पहार घालून त्याचे स्वागत करण्यात आले. गावकरी या घटनेला 'चमत्कार' मानत आहेत, कारण प्रशासकीय सर्वेक्षणाच्या एका नियमांमुळे एक दूर गेलेला व्यक्ती पुन्हा कुटुंबात परतला आहे. आता ओमप्रकाशने कायमस्वरूपी आपल्या गावी राहण्याचा निर्णय घेतला आहे. तो आपले जुने नाव आणि ओळखपत्रे नव्याने तयार करण्याच्या प्रयत्नात आहे.
Web Summary : A man, Om Prakash, who left home 40 years ago and converted to Islam, returned to his village after a SIR survey revealed discrepancies in his documents. Now known as Salim, he was reunited with his family in a joyous homecoming and intends to reclaim his original identity.
Web Summary : 40 साल पहले घर छोड़कर मुस्लिम बने ओमप्रकाश, SIR सर्वेक्षण में दस्तावेजों में गड़बड़ी के कारण गांव लौटे। सलीम के रूप में जाने जाने वाले, वह खुशी से अपने परिवार से मिले और अपनी मूल पहचान वापस पाने का इरादा रखते हैं।