भूगर्भशास्त्रीय सर्व्हे करुन दु्रतगती महामार्ग सुरक्षित करणार

एकनाथ शिंदे : सहकार मंत्री चंद्रकांत पाटील यांच्यासह घटनास्थळाची पाहणी
फोटो आहेत...

लोणावळा : मुंबई-पुणे दु्रतगती महामार्गावर दरड कोसळण्याच्या घटना भविष्यात पुन्हा घडू नयेत, यासाठी या भागाचा भारतीय, तसेच परदेशी तज्ज्ञांमार्फत भूगर्भशास्त्रीय सर्वेक्षण करण्यात येत असून, हा मार्ग भविष्यात प्रवासासाठी संपूर्णपणे सुरक्षित करण्यासाठी शासनाकडून युद्धपातळीवर काम करण्यात येणार असल्याचे सार्वजनिक बांधकाममंत्री एकनाथ शिंदे यांनी सांगितले. दरम्यान, खंडाळा घाट परिसरात वाहतुकीची समस्या रविवारीही कायम होती.
द्रुतगती महामार्गावर खंडाळा,बोरघाटात खंडाळा बोगद्याजवळ शनिवारी दुपारी ३च्या सुमारास दरड कोसळली. घटनास्थळावरील परिस्थितीची पाहणी रविवारी राज्याचे सहकारमंत्री चंद्रकांत पाटील व सार्वजनिक बांधकाममंत्री शिंदे यांनी केली. मंत्री पाटील व शिंदे यांनी येथील उपस्थित तज्ज्ञांशी चर्चा करून कामाचा आढावा घेतला.
या वेळी शिंदे म्हणाले, महामार्गाच्या उभारणीला १५ वर्षे झाली असून, पावसाळी वातावरणामुळे येथील दगडांची झीज होऊन ते सुटे झाले आहेत. त्यामुळे दरडी कोसळत आहेत.
घाटात दरड कोसळल्याने द्रुतगती महामार्गावरील वाहतुकीवर परिणाम झाला आहे. दोनदा दरड कोसळल्यानंतर परदेशी तंत्रज्ञांच्या मदतीने येथे काम सुरूकरण्यात आले होते. ते पूर्ण झाल्यानंतर शनिवारी पुन्हा दरड कोसळली होती. त्यामुळे या दरडग्रस्त परिसरामध्ये एक किलोमीटर अंतरात पुणे व मुंबई मार्गावरील वाहतूक पूर्णपणे बंद करण्यात आली आहे. पर्याय म्हणून या मार्गावरील हलक्या वाहनांची वाहतूक लोणावळा येथून जुन्या मुंबई-पुणे राष्ट्रीय महामार्ग क्र.४ ने वळविण्यात आली असून, खंडाळ्याच्या दस्तुरी येथे ती पुन्हा दु्रतगती महामार्गाला जोडली आहे. तर दु्रतगतीवरील मुंबईहून पुण्याकडे येणार्‍या मार्गावरील दोन लेन पुण्याकडे जाणार्‍या वाहनांसाठी खुल्या ठेवून एक लेन मुंबईकडे जाणार्‍या अवजड, तसेच इतर वाहनांसाठी खुली करण्यात आली आहे. जोवर हे काम पूर्ण होत नाही, तोपयंर्त हीच व्यवस्था कायम ठेवण्यात येणार असल्याचे महामार्ग पोलीसचे अधीक्षक सुनील सोनवणे यांनी सांगितले.
--------------------