हायकोर्टात पेशावर हल्ल्याचा निषेध

नागपूर : हायकोर्ट बार असोसिएशन ऑफ नागपूरच्या सर्वसाधारण सभेत गुरुवारी पेशावर आर्मी स्कूलवरील दहशतवादी हल्ल्याचा निषेध करणारा ठराव पारित करण्यात आला. तसेच, दोन मिनिटे मौन पाळून मृतकांना श्रद्धांजली वाहण्यात आली. संघटनेचे अध्यक्ष ॲड. अरुण पाटील, सचिव ॲड. श्रद्धानंद भुतडा, ॲड. अनिरुद्ध चौबे, ॲड. श्रीनिवास देशपांडे, ॲड. एस. एम. बहीरवार, ॲड. रमाकांत अहीरराव, ॲड. संग्राम सिरपूरकर, ॲड. एन. ए. चव्हाण, ॲड. ए. बी. मिर्झा आदी उपस्थित होते.