खासदार राघव चड्ढा यांची 'झेड प्लस' सुरक्षा हटवली

Raghav Chadha News: आम आदमी पार्टी (आप) व खासदार राघव चड्ढा यांच्यातील वाद आता विकोपाला गेला असून, पंजाब सरकारने त्यांची 'झेड प्लस' श्रेणीची सुरक्षा व्यवस्था काढून घेतली आहे. चड्ढा यांना राज्यसभा उपनेते पदावरून हटवल्यानंतर काही दिवसांतच ही कारवाई करण्यात आली आहे.

चंडीगड - आम आदमी पार्टी (आप) व खासदार राघव चड्ढा यांच्यातील वाद आता विकोपाला गेला असून, पंजाब सरकारने त्यांची 'झेड प्लस' श्रेणीची सुरक्षा व्यवस्था काढून घेतली आहे. चड्ढा यांना राज्यसभा उपनेते पदावरून हटवल्यानंतर काही दिवसांतच ही कारवाई करण्यात आली आहे.

राज्यसभेत राघव चड्ढा यांच्या जागी अशोक मित्तल यांची उपनेतेपदी नियुक्ती करण्यात आल्यापासून पक्षात तणाव निर्माण झाला आहे. आपल्याला "शांत केले गेले आहे, हरवले नाही," असे विधान चड्ढा यांनी केले होते. यावर मुख्यमंत्री भगवंत मान यांनी तीव्र नाराजी व्यक्त केली आहे. “चड्ढा पश्चिम बंगालमध्ये मतदारांची नावे वगळण्याच्या मुद्द्यावर बोलणार नसतील, महत्त्वाच्या मुद्द्यांवर सभागृहात सभात्याग करीत नसतील किंवा गुजरातमध्ये आप नेते- कार्यकर्त्यांच्या अटकेविरोधात आवाज उठवत नसतील, तर ते पक्षाच्या भूमिकेचे उल्लंघन करीत आहेत”, असे मान म्हणाले.