भारत-फ्रान्समध्ये घट्ट मैत्री, जागतिक स्थिरतेसाठी आपली भागीदारी महत्त्वाची- पंतप्रधान मोदी

India-France Partnership PM Modi Emmanuel Macron: फ्रान्स हा भारताच्या सर्वात जुन्या धोरणात्मक भागीदारांपैकी एक असल्याचे केलं नमूद

India-France Partnership PM Modi Emmanuel Macron: पंतप्रधान नरेंद्र मोदी यांनी मंगळवारी फ्रान्सचे अध्यक्ष इमॅन्युएल मॅक्रॉन यांच्यासोबत संयुक्त पत्रकार परिषदेला संबोधित केले. पत्रकार परिषदे दरम्यान पंतप्रधान मोदींनी मॅक्रॉन यांचे स्वागत करताना आनंद व्यक्त केला. त्यांनी फ्रान्सचे वर्णन युरोपचे प्रमुख प्रवेशद्वार म्हणून केले. त्यांनी सांगितले की २०२६ हे वर्ष भारत-युरोप संबंधांमध्ये एक महत्त्वाचा टप्पा आहे. काही दिवसांपूर्वी युरोपियन युनियनने भारताच्या इतिहासातील सर्वात मोठा आणि सर्वात महत्त्वाकांक्षी मुक्त व्यापार करारावर स्वाक्षरी केली. पंतप्रधान मोदींनी भारत आणि फ्रान्समधील सौहार्दपूर्ण संबंधांवर भर दिला. तसेच फ्रान्स हा भारताच्या सर्वात जुन्या धोरणात्मक भागीदारांपैकी एक असल्याचे त्यांनी नमूद केले. त्यांनी पुढे असेही म्हटले की अध्यक्ष मॅक्रॉन यांच्यासोबत मिळून, आम्ही या धोरणात्मक भागीदारीला अभूतपूर्व ऊर्जा दिली आहे.

#WATCH मुंबई: प्रधानमंत्री नरेंद्र मोदी ने कहा, "भारत और फ्रांस के संबंध बहुत ही विशेष है। फ्रांस भारत के सबसे पुराने रणनीतिक साझेदार में से एक है। राष्ट्रपति मैक्रों के साथ मिलकर हमने इस रणनीतिक साझेदारी को अभूतपूर्व गहराई और ऊर्जा दी है..."

(सोर्स: DD/ANI) pic.twitter.com/02R2nRKuO5

— ANI_HindiNews (@AHindinews) February 17, 2026

पंतप्रधान नरेंद्र मोदी म्हणाले, "माझे प्रिय मित्र, राष्ट्राध्यक्ष इमॅन्युएल मॅक्रॉन यांचे मुंबईत स्वागत करताना मला आनंद होत आहे. गेल्या वर्षी त्यांनी मला फ्रान्समधील एआय अँक्शन समिटसाठी आमंत्रित केले होते. त्यावेळी आम्ही फ्रान्सचे सर्वात मोठे बंदर आणि फ्रान्स व उर्वरित युरोपचे प्रमुख प्रवेशद्वार असलेल्या मार्सेलला भेट दिली. पहिल्या महायुद्धात आपल्या भारतीय सैनिकांनी युरोपमध्ये पाऊल ठेवले, ते शहर मार्सेल आहे. त्यांच्या शौर्याची गाथा अजूनही युरोपच्या अनेक भागात सांगितली जाते."

"यावेळी जेव्हा अध्यक्ष मॅक्रॉन एआय इम्पॅक्ट समिटसाठी भारतात आहेत, तेव्हा भारताचे प्रवेशद्वार असलेल्या मुंबईत त्यांचे स्वागत करण्याचे भाग्य आम्हाला लाभले आहे. भारत आणि फ्रान्समधील संबंध खूप खास आहेत. फ्रान्स हा भारताच्या सर्वात जुन्या धोरणात्मक भागीदारांपैकी एक आहे. अध्यक्ष मॅक्रॉन यांच्यासोबत मिळून, आम्ही या धोरणात्मक भागीदारीला अभूतपूर्व ऊर्जा दिली आहे," असेही मोदी म्हणाले.