Video: दारुड्यांना घडली चांगलीच अद्दल; पोलिसांनी अटक केले आणि त्याच ठिकाणी नाचायला लावले

ड्राय स्टेट गुजरातमध्ये लग्नात दारू पिऊन नाचणाऱ्या तरुणांचा व्हिडिओ व्हायरल होताच पोलिसांची कारवाई.

राजकोट:गुजरातमध्ये गेल्या अनेक वर्षांपासून दारुबंदी आहे, हे सर्वांनाच माहित आहे. पण, अनेकवेळा लपून-छपून दारुची विक्री आणि सेवन केले जाते. याचाच फटका काही तरुणांना बसला आहे. राजकोटमध्ये लग्नाच्या मिरवणुकीत दारू पिऊन नाचणाऱ्या तरुणांचा व्हिडिओ सोशल मीडियावर आल्यानंतर पोलिसांनी या तरुणांना अटक केली. खरी गम्मत इथून सुरू होते...

मिळालेल्या माहितीनुसार, सोमवारी एका लग्नात आठ तरुण दारू पिऊन नाचत होते आणि इतरांनाही नाचवत होते. त्यांच्या डान्सचा व्हिडिओ सोशल मीडियावर व्हायरल झाला आणि पोलिसांच्या हाती लागला. गुजरातमध्ये दारुबंदी लागू असल्याने आणि दारू विकणे आणि पिणे दंडनीय गुन्ह्याच्या श्रेणीत येतो. अशा परिस्थितीत पोलिसांनी तत्काळ कारवाई करत या लोकांचा शोध सुरू केला.

Rajkot police re-enacts the scene of a viral video where wedding revellers were seen openly consuming liquor while dancing in a marriage procession.
The revellers were arrested.

PS: Gujarat is a dry state where liquor is banned, selling or consumptionpic.twitter.com/PZb6zi56NP

— Kumar Manish (@kumarmanish9) February 21, 2023

यानंतर भक्तीनगर पोलिसांनी त्यांची ओळख पटवून हिरेन उर्फ ​​हॅरी परमार, प्रतीक उर्फ ​​कालिओ परमार, धवल मारू, जयेश उर्फ ​​गतिओ दवे, मयूर खिंट, धर्मेश उर्फ ​​आसुडो रजनी, अजय उर्फ ​​जबरो रमाणी आणि नितीन खांडेखा या आठ जणांवर गुजरात दारुबंदी कायद्यान्वये गुन्हा दाखल केला. नोंदणीकृत खांदेखा वगळता उर्वरित सात जणांना सोमवारी सायंकाळी अटक करण्यात आली.

अटक केल्यानंतर या 7 जणांना पोलिसांनी त्याच ठिकाणी नेले आणि मिरवणुकीत ते जसे नाचत होते त्याच पद्धतीने त्यांना नाचण्यास सांगितले. यावेळी पोलिसांनी त्यांना दारुच्या बाटलीऐवजी पाण्याची बाटली दिली आणि व्हायरल व्हिडिओप्रमाणे डान्स करण्यास सांगितले. या लोकांचा पोलिसांसमोर नाचतानाचा व्हिडिओही सोशल मीडियावर व्हायरल झाला आहे. अटक केलेल्या सातही जणांचा गुन्हेगारी रेकॉर्ड असल्याचे पोलिसांनी सांगितले.