खाद्यसंस्कृती

स�

��समे हनी टोफू

साहित्य :
१५० ग्रॅम टोफू
१ टी स्पून भाजलेले तीळ
१ मध्यम लाल भोपळी मिरची
१ लहान कांदा
७-८ लसूण पाकळ्या, बारीक चिरून
१ इंच आले, उभे पातळ काप (मॅचस्टीकसारखे)
२ हिरव्या मिरच्या
१ टी स्पून मध
दीड टी स्पून सोया सॉस
१/२ टी स्पून व्हिनेगर
चवीपुरते मीठ
तेल

कृती :
१) भोपळी मिरचीचे चौकोनी तुकडे करावेत. हिरवी मिरची बारीक चिरून घ्यावी. कांदा उभा पातळ चिरून घ्यावा.
२) टोफूचे मध्यम चौकोनी तुकडे करावेत. तव्यावर थोडे तेल घालून टोफू थोडा लालसर करून घ्यावा.
३) कढईत १ चमचा तेल गरम करावे. त्यात लसूण आणि आले परतावे. नंतर हिरवी मिरची घालावी आणि कांदा परतून घ्यावा. लाल भोपळी मिरची थोडीशी परतावी.
४) सोया सॉस घालून मिक्स करावे. लगेच फ्राईड टोफू घालून मिक्स करावे.
५) चवीपुरते मीठ आणि व्हिनेगर घालावे. मिक्स करून आच बंद करावी.
६) भाजलेले तीळ गरजेनुसार मिक्स करावेत. मध घालून हलकेच मिक्स करावे. गरमच सर्व्ह करावे.