गोदारत्न, जीवनगौरव पुरस्कारांचे वितरण

नाशिक परिसर वृत्तपत्र लेखक संघाचा उपक्रम
पंचवटी : दैनंदिन कामकाज सांभाळून शैक्षणिक, सामाजिक, क्रीडा तसेच सांस्कृतिक क्षेत्रात उल्लेखनीय कामगिरी बजावणार्‍या नागरिकांना नाशिक शहर परिसर वृत्तपत्र लेखक संघाच्या वतीने गोदारत्न जीवनगौरव व गोदारत्न पुरस्काराने सन्मानित करण्यात आले. इंद्रकुंड येथील पलुस्कर सभागृहात सदर सोहळा पार पडला. कार्यक्रमाच्या अध्यक्षस्थानी संघाचे अध्यक्ष रमेश कडलग होते. व्यासपीठावर वनाधिपती विनायकदादा पाटील, ज्येष्ठ पत्रकार शरद बुरकुले, प्रमिला पाटील, कल्पना पांडे, सुरेश बागुल, सुनील थोरात आदि मान्यवर उपस्थित होते. याप्रसंगी अरविंद लेवे, अनुराधा लेवे, जयश्री चव्हाण, रागिणी जाधव यांना गोदारत्न जीवनगौरव तसेच ज. रा. पाटील, मधुकर दुसाने, अरु ण इंदोरकर, ब्रिजलाल मोरे, अशोक दुधारे, अजिंक्य दुधारे, संजय वाघ, भरत जैन, मंदा वायाळ, स्वाती टोकेकर, नानाभाऊ पाटील आदिंसह ५२ नागरिकांना मान्यवरांच्या हस्ते गोदारत्न पुरस्काराने सन्मानित करण्यात आले. वृत्तपत्र लेखक हा समाजाचा कणा आहे. तो आपल्या लेखणीतून परिसरातील विविध समस्यांना वाचा फोडण्याचे कार्य करतो, असे मत मान्यवरांनी व्यक्त केले. सूत्रसंचालन नितीन घोडके यांनी केले. चंद्रकांत वाघुलीकर यांनी आभार मानले. (वार्ताहर)
फोटो आहे...