Delhi Red Fort Car Blast Umar Photo Revealed: दिल्लीच्या लाल किल्ल्याजवळ बॉम्बस्फोट घडवणारा दहशतवादी उमर मुहम्मदचा (Dr Umar Muhammad) पहिला फोटो समोर आला आहे. त्याने काल संध्याकाळी स्फोट घडवून आणला होता, ज्यामध्ये नऊ जणांचा मृत्यू झाला आणि २४ जण जखमी झाले होते. मंगळवारी झालेल्या स्फोटापूर्वीचे सीसीटीव्ही फुटेज समोर आले आहे, ज्यामध्ये पार्किंगमधून एक पांढऱ्या रंगाची i20 कार बाहेर पडताना दिसत आहे. त्यात असलेला डॉक्टर हा मोहम्मद उमर असल्याचा संशय आहे. या स्फोटाबाबत पोलिसांनी सांगितले की उमर हा फरिदाबाद मॉड्यूलचा भाग असू शकतो. गेल्या अनेक दिवसांपासून पोलिसांचे छापे सुरू आहेत, ज्यात जम्मू आणि काश्मीर पोलिसांनी हरियाणातील फरिदाबाद ते लखनौपर्यंत केलेल्या कारवाईत २९०० किलो स्फोटके (संशयित अमोनियम नायट्रेट) जप्त केली होती.
दिल्ली पोलिस आणि इतर तपास संस्थांच्या तपासात असे समजले की, उमर हा पार्क केलेल्या i20 कारमध्ये तीन तास बसून राहिला. तो एका मिनिट देखील कारमधून बाहेर पडला नाही. असे म्हटले जात आहे की तो या कारमधून हल्ला कसा करायचा, कधी करायचा आणि कुठे करायचा याबद्दल सूचनांची वाट पाहत थांबला होता. याचदरम्यान, त्याचा एक फोटो समोर आला आहे. याबाबत अधिकृत माहिती देण्यात आलेली नाही. मात्र अनेक प्रसारमाध्यमांनी उमरचा फोटो प्रसिद्ध केला आहे.
पोलिसांनी दाखल केला गुन्हा
या स्फोट प्रकरणात पोलिसांनी गुन्हा दाखल केला आहे. बेकायदेशीर कारवाया (प्रतिबंध) कायद्याअंतर्गत (UAPA) एफआयआर दाखल करण्यात आला आहे. सुरक्षा यंत्रणांनी आत्मघातकी हल्ल्याच्या दृष्टिकोनातूनही चौकशी सुरू केली आहे. संपूर्ण घटनेचा प्राथमिक अहवाल लवकरच जाहीर होण्याची अपेक्षा आहे. त्यानंतरच संपूर्ण सत्य समोर येईल असे सांगितले जात आहे.
सीसीटीव्ही फुटेजमध्ये उमर दिसला...
लाल किल्ल्याजवळील स्फोटापूर्वीचे सीसीटीव्ही फुटेज समोर आले आहे, ज्यामध्ये एक आय-२० कार पार्किंगमधून जात असल्याचे दिसून आले आहे. कारच्या आत काळा मास्क घातलेला एक माणूस आहे.
Web Summary : Delhi police investigate Umar Muhammad, suspected in the Red Fort car blast. CCTV footage shows a suspicious car. Umar, potentially part of a Faridabad module, awaited instructions before the explosion. Investigation continues.
Web Summary : दिल्ली पुलिस लाल किला कार विस्फोट के संदिग्ध उमर मुहम्मद की जांच कर रही है। सीसीटीवी फुटेज में एक संदिग्ध कार दिखी। उमर, जो फरीदाबाद मॉड्यूल का हिस्सा हो सकता है, विस्फोट से पहले निर्देशों का इंतजार कर रहा था। जांच जारी है।