५ जूनलाच केलेली मोठ्या विमान अपघाताची भविष्यवाणी; अ‍ॅस्ट्रो शर्मिष्ठाची पोस्ट होतेय व्हायरल...
By ऑनलाइन लोकमत | Updated: June 12, 2025 18:07 IST2025-06-12T18:07:01+5:302025-06-12T18:07:36+5:30
Astrologer Plane Crash Prediction: ही भविष्यवाणी आधी गेल्या वर्षी करण्यात आली होती. २९ डिसेंबर २०२४ रोजी २०२५ साठीची भविष्यवाणी करण्यात आली होती.
५ जूनलाच केलेली मोठ्या विमान अपघाताची भविष्यवाणी; अ‍ॅस्ट्रो शर्मिष्ठाची पोस्ट होतेय व्हायरल...
Plane Crash Prediction: एअर इंडियाच्याविमान अपघाताने अवघा देश हळहळला आहे. या अपघातात आतापर्यंत १०० हून अधिक प्रवाशांचे मृतदेह सापडले असून मृतांचा आकडा वाढण्याची शक्यता आहे. अहमदाबादविमानतळावरून २३० प्रवाशांसह लंडनसाठी उड्डाण करणाऱ्या विमानाला तीन मिनिटांतच अपघात झाला. इंजिन बंद पडल्याने पायलटने पुन्हा विमान माघारी वळविले परंतू कमी उंची असल्याने त्याला वाचविता आले नाही. या अपघाताची भविष्यवाणी आता व्हायरल होऊ लागली आहे.
एक्सवर अ‍ॅस्ट्रो शर्मिष्ठा (Astro Sharmistha) नावाच्या हँडलवरून ही भविष्यवाणी आधी गेल्या वर्षी करण्यात आली होती. २९ डिसेंबर २०२४ रोजी २०२५ साठीची भविष्यवाणी करण्यात आली होती. त्यात तिने भारतीय हवाई क्षेत्राबाबतही भविष्यवाणी केली होती. यात एका मोठ्या विमान अपघाताची शक्यता असल्याचे म्हटले होते. तिच पोस्ट तिने पुन्हा ५ जूनला रिपोस्ट करत मी आजही विमान अपघाताची शक्यता असल्याचे सांगत असल्याचे म्हटले होते.
यानंतर अवघ्या सात दिवसांनी एअर इंडियाच्या विमानाचा अपघात झाला आहे. शर्मिष्ठाने गेल्यावर्षी केलेल्या पोस्टमध्ये म्हटले आहे की, २०२५ मध्ये विमान वाहतूक क्षेत्र चांगले काम करेल, तसेच विमान अपघातांच्या बातम्या आपल्याला धक्का देऊ शकतात, असे भाकीत दोन महिन्यांपूर्वी केले होते. विमान वाहतूक क्षेत्रात थोडी सुधारणा आधीच सुरू झाली आहे. जेव्हा गुरु ग्रह मृगशिरा आणि अर्द्राच्या मिथुन भागात दरमहा सुमारे ६.५ अंश वेगाने असेल, तेव्हा विमान वाहतूक भरभराटीला येईल परंतु सुरक्षितता आणि सुरक्षा कमी असेल, असे तिने म्हटले होते.
५ जूनची भविष्यवाणी काय होती...
याचबरोबर तिने टाटा आणि राफेल, इस्त्रो आदीबाबतही भविष्यवाणी केली आहे. टाटा हैदराबादमध्ये राफेल विमानाचे फ्यूजलेज बनवणार आहे. हा फक्त विमानचालन विस्तार आहे, येत्या दोन वर्षांत इस्रो अवकाश आणि उपग्रह अभियांत्रिकी, अंतराळ पर्यटनात जगाला आश्चर्यचकित करेल. गेल्या वर्षी नक्षत्र संक्रमणाद्वारे हे भाकीत केले होते. २०२५ मध्ये विमान अपघात आणि विमान वाहतुकीत विनाश होण्याची भविष्यवाणी मी अजूनही तशीच ठेवत आहे, अशी पोस्ट तिने ५ जूनला केली होती.
Tata will make Rafale fuselage in Hyderabad. This is just aviation expansion, ISRO will surprise the world in Space and satellite engineering, space tourism in coming two years. Predicted this last year via Nakshatra transit. I am still holding high the prediction of Plane crash… https://t.co/WjX39R7E47
— Astro Sharmistha (@AstroSharmistha) June 5, 2025