भाजपमध्ये एका नवीन युगाची सुरुवात; नितीन नवीन यांनी अर्ज दाखल केला, राजनाथ सिंह आणि अमित शहा प्रस्तावक

भाजपचे राष्ट्रीय कार्यकारी अध्यक्ष नितीन नवीन यांनी पक्षाच्या राष्ट्रीय अध्यक्षपदासाठी आपला उमेदवारी अर्ज दाखल केला आहे. गृहमंत्री अमित शहा, संरक्षण मंत्री राजनाथ सिंह, हरदीप सिंह पुरी यांच्यासह भाजपचे वरिष्ठ नेते आणि मुख्यमंत्री यावेळी उपस्थित होते.

भाजपचे राष्ट्रीय कार्यकारी अध्यक्ष नितीन नवीन यांनी पक्षाच्या राष्ट्रीय अध्यक्षपदासाठी आपला अर्ज दाखल केला आहे. गृहमंत्री अमित शहा आणि संरक्षण मंत्री राजनाथ सिंह हे त्यांचे प्रस्तावक आहेत. त्यांच्या नामांकन प्रक्रियेदरम्यान जेपी नड्डा आणि हरदीप सिंह पुरी यांच्यासह अनेक वरिष्ठ नेते उपस्थित होते. उत्तर प्रदेशचे मुख्यमंत्री योगी आदित्यनाथ, राज्य युनिटचे अध्यक्ष, खासदार आणि इतर अधिकारी देखील उपस्थित होते. त्यांना मोठा पाठिंबा मिळत आहे.

“महाराज, आता तिकीट द्या… नाहीतर गळफास घ्यायला दोरी द्या"; खासदार उदयनराजे यांच्याकडे समर्थकाची अजब मागणी

२० जानेवारी रोजी भाजपच्या नवीन राष्ट्रीय अध्यक्षाचे नाव जाहीर होण्याची शक्यता आहे. या कार्यक्रमासाठी छत्तीसगडमधील सर्व वरिष्ठ भाजप नेते आणि मोठ्या संख्येने कार्यकर्ते दिल्लीत उपस्थित राहतील, यामुळे कार्यक्रम भव्य होण्याची अपेक्षा आहे. नितीन नवीन यांची कार्यवाहक अध्यक्ष म्हणून नियुक्ती केल्याने, तेच भाजपचे नेतृत्व करतील हे आधीच निश्चित झाले होते. १२ वे राष्ट्रीय अध्यक्ष म्हणून त्यांची बिनविरोध निवड होण्याची सर्व तयारी पूर्ण झाली आहे. त्यांना पंतप्रधान नरेंद्र मोदी आणि गृहमंत्री अमित शहा यांच्यासह भाजपच्या सर्वोच्च नेतृत्वाचा पूर्ण पाठिंबा आहे.

राजकीय कारकीर्द काय ?

नितीन नवीन हे दिवंगत नवीन यांचे पुत्र आहेत. त्यांच्या वडिलांनी जेपी चळवळीपासून राजकीय कारकिर्द सुरू केली. त्यांचा जन्म १९८० मध्ये पाटणा येथे झाला. २००५ मध्ये त्यांच्या वडिलांचे निधन झाले. त्यांच्या मतदारसंघासाठी पोटनिवडणूक झाली आणि नवीन आमदार झाले. त्यांनी पाटणा पश्चिम मतदारसंघातून निवडणूक लढवली. 

२०१६ मध्ये त्यांना भाजप युवा मोर्चाचे प्रदेशाध्यक्ष म्हणून नियुक्त करण्यात आले. ते संघटनेत सक्रियपणे सहभागी राहिले. ते पाच वेळा आमदार झाले आणि तीन वेळा मंत्रिपद भूषवले. २०२५ च्या विधानसभा निवडणुकीत भाजपच्या प्रभावी कामगिरीनंतर, त्यांना भाजपचे कार्यवाहक अध्यक्ष म्हणून नियुक्त करण्यात आले.