मोठी बातमी! कोरोनाच्या सर्व व्हेरिअंटवर DRDO चं औषध प्रभावी, संशोधनातून दावा
By ऑनलाइन लोकमत | Published: June 16, 2021 07:54 PM2021-06-16T19:54:54+5:302021-06-16T19:55:19+5:30
कोरोनावर उपचारांसाठी विकसीत करण्यात आलेलं 2-DG औषध कोरोना विषाणूच्या सर्व व्हेरिअंटवर प्रभावी ठरत असल्याचा दावा एका संशोधनातून करण्यात आला आहे.
मोठी बातमी! कोरोनाच्या सर्व व्हेरिअंटवर DRDO चं औषध प्रभावी, संशोधनातून दावा
Next कोरोनावर उपचारांसाठी विकसीत करण्यात आलेलं 2-DG औषध कोरोना विषाणूच्या सर्व व्हेरिअंटवर प्रभावी ठरत असल्याचा दावा एका संशोधनातून करण्यात आला आहे. 2-DG औषध कोरोनाच्या सर्व व्हेरिअंटच्या संक्रमणाला रोखू शकतं असा दावा करण्यात आला असून या औषधामुळे विषाणूचं मल्टीप्लिकेशन देखील कमी होतं, असंही नमूद करण्यात आलं आहे.
देशात सध्या कोरोना उपचारांसाठी 2-DG औषधाला मान्यता देण्यात आलेली आहे. 2-DG हे औषध सुरुवातीला कोरोनाच्या दोन व्हेअरिंटवर म्हणजेच B.6 आणि B.1.1.7 वर वापर करुन पाहण्यात आलं. पण यात अँटी-व्हायरल गुण असल्यानं हे औषध कोरोनाच्या सर्व व्हेरिअंटवर प्रभावी ठरत असल्याचं निदर्शनास आलं आहे.
देशात कोरोना रुग्णांच्या उपचारासाठी वापरण्यात येणारं 2-DG औषध संरक्षण संशोधन आणि विकास संस्थेनं (डीआरडीओ) विकसीत केलं आहे. डॉक्टरांच्या देखरेखीखाली कोरोनावर उपचार घेणाऱ्या रुग्णांसाठी हे औषध वापरण्याची परवानगी देण्यात आलेली आहे. 2-DG हे औषध रुग्णांना लवकरात लवकर बरं होण्यासाठी आणि ऑक्सिजन सिलिंडरवरील अवलंबित्व कमी करण्यासाठी मदत करतं. डॉ. रेड्डीज लॅबरॉटरीनं हे औषध पाऊच्या रुपात लाँच केलं आहे. जे पाण्यात मिसळून घेता येतं.