2-जी प्रकरण : ए. राजा, कनीमोझी यांना जामीन

करुणानिधी यांची पत्नी दयालू अम्मल, ए. राजा आणि कनीमोझी यांच्यासह सर्व दहा आरोपींना बुधवारी जामिनावर मुक्त करण्याचे आदेश दिले.

नवी दिल्ली : दिल्लीतील पटियाला हाऊस न्यायालयाने 2-जी स्पेक्ट्रम घोटाळ्याशी संबंधित एका प्रकरणात डीएमके प्रमुख करुणानिधी यांची पत्नी दयालू अम्मल, ए. राजा आणि कनीमोझी यांच्यासह सर्व दहा आरोपींना बुधवारी जामिनावर मुक्त करण्याचे आदेश दिले. 

2-जी स्पेक्ट्रम घोटाळ्यात परदेशी चलनाचे उल्लंघनप्रकरणी अंमलबजावणी संचालनालयाने (ईडी) आरोपपत्र दाखल केले होते. अंमलबजावणी संचालनालयाने डीएमकेद्वारा संचालित कलिनगर दूरदर्शन वाहिनीला चालविण्यासाठी बेकायदेशीररीत्या 2क्क् कोटी रुपये दिल्याप्रकरणी 1क् फर्म आणि

1क् जणांना आरोपी करण्यात आले आहे. 

या आरोपपत्रत माजी दूरसंचार मंत्री ए. राजा, कनीमोझी आणि दयालू अम्मल यांचे नाव आहे. याशिवाय स्वान टेलिकॉमचे प्रवर्तक शाहीद उस्मान बलवा, विनोद गोयनका, आसिफ बलवा, राजीव अग्रवाल आणि कलिगनरचे एमडी शरद कुमार आणि चित्रपट निर्माता करीम मोरानी यांचे देखील नाव आहे. 

सीबीआयचे विशेष न्यायाधीश ओ.पी. सैनी यांनी 83 वर्षीय अम्मल यांना पाच लाख रुपये जामीन रक्कम आणि दोन जामीन घेणा:यांनी एवढीच रक्कम भरल्यानंतर जामीन देण्यात येईल, असे म्हटले. न्यायालयाने ही रक्कम दोन दिवसात भरण्यास सांगितले आहे. 

न्यायालयाने अम्मल यांची वयाचा विचार करता आरोपमुक्त करण्याची विनंती फेटाळली. त्यांनी प्रकृती आणि मानसिक स्थिती ठीक नसल्याने आरोपमुक्त करण्यासाठी याचिका केली होती. (वृत्तसंस्था)