दसवेलजवळ अपघातात तरुण ठार

दसवेलजवळ अपघातात तरुण ठार

जायखेडा /ताहाराबाद : ताहाराबाद- पिंपळनेर रस्त्यावरील दसवेलजवळ मोटारसायकलला ट्रकने जोरदार धडक दिल्याने झालेल्या अपघातात महाराष्ट्र गुरव समाज युवा संघटनेचे जिल्हाध्यक्ष सागर सुनिल सोनवणे (वय २२) रा. ताहाराबाद या तरूणाचा जागीच मृत्यू झाला. सागर सोनवणे आज सकाळी ६ वाजेच्या सुमारास आपल्या खाजगी कामा निमित्त मोटार सायकल क्र . एम.एच ४१ ए. के. ९७३५ वरून पिंपळनेरकडे जात होते. यावेळी पिंपळनेर कडून ताहाराबादकडे भरधाव वेगात येत असलेल्या ट्रक क्र.टि.एन. ८८ - ९६३० ने जोरात धडक दिली. यात सागर याचा जागीच मृत्यू झाला. धडक देवुन घटनास्थळावरून ट्रक चालक आपल्या वाहनासह अहवाकडे पळून जात असतांना दसवेल येथील पोलीस पाटील रविंद्र निकम यांनी जायखेडा पोलीसांशी संपर्क साधुन घटनेची माहिती दिली. स्थानिक तरूण व पोलीसांच्या मदतीने त्यास हरणबारी जवळ पकडण्यात यश आले. जायखेडा पोलीसांनी ट्रक व चालकास ताब्यात घेतले आहे. (वार्ताहर)