सुविधांसाठी सव्वादोन कोटी

स्टाइस : वार्षिक सर्वसाधारण सभेत अरुण चव्हाणके यांची माहिती

सिन्नर : येथील सिन्नर तालुका औद्योगिक सहकारी वसाहतीची ३४ वी वार्षिक सर्वसाधारण सभा खेळीमेळीच्या वातावरणात संपन्न झाली. स्टाइसच्या हद्दीत पायाभूत सुविधा उभारण्यासाठी शासनाकडून दोन कोटी २५ लाख रुपयांचा निधी मंजूर झाल्याची माहिती अध्यक्ष अरुण चव्हाणके यांनी दिली.संस्थेच्या उद्योगभवन कार्यालयात चव्हाणके यांच्या अध्यक्षतेखाली वार्षिक सभेस व्यासपीठावर उपाध्यक्ष पंडित लोंढे, संचालक संदीप आवारे, अविनाश तांबे, प्रभाकर बडगुजर, किशोर देशमुख, चिंतामण पगारे, रामदास दराडे, सुनील कुंदे, मीनाक्षी दळवी, पद्मा सारडा, तज्ज्ञ संचालक नामकर्ण आवारे, व्यवस्थापक कमलाकर पोटे आदि मान्यवर उपस्थित होते. संस्थेची हद्द डी प्लस करण्यासाठी पाठपुरावा, महिला मेळावा, चर्चासत्रे, प्रशिक्षण शिबिर, उद्योग आधार नोंदणी आदि कामे केल्याचेही ते म्हणाले. त्यानंतर मुख्य विषय पत्रिकेप्रमाणे सभेचे कामकाज पार पडले. याप्रसंगी उद्योजक बाबासाहेब दळवी, शिवाजी आवारे, महेंद्र क्षत्रिय, सुरेश खिंवसरा, रमेश मेधणे, सुनीता बडगुजर, भीमराज हांडोरे, शरद पाटील, जगदीश सारडा, विष्णू खताळे, त्रिभुवन उन्हाळे, मधुकर जगताप, संजीव साधले, शिवाजी चौधरी, सुधीर कोथळकर, बबन भडांगे, नितीन नागपूरकर, प्रवीण मारावार, भगतसिंग राजपूत, वामन मुटकुळे, प्रमोद बोरकर, गणेश सराफ, अविनाश डोखळे, शुक्लेश्वर वर्पे, शिवाजी चासकर, चांगदेव पोटे, लक्ष्मण डापसे, सूरज देशमुख आदिंसह सभासद मोठ्या संख्येने उपस्थित होते. उपाध्यक्ष लोंढे यांनी आभार मानले. राष्ट्रगीताने सभेची सांगता झाली. (वार्ताहर)