परमोरी शिवारात बिबट्या जेरबंद

परमोरी शिवारात बिबट्या जेरबंद

दिंडोरी : दिंडोरी तालुक्यातील परमोरी शिवारात धुमाकूळ घालणारा नर बिबट्या अखेर शनिवारी पहाटे पिंजर्यात अडकला आहे दरम्यान परमोरी लगत असलेल्या राजापूर शिवारात चार पाच दिवसापूर्वी बिबट्याचा बछडा सापडला होता व अजूनही त्यांची आई मादी बिबट्या अजून न सापडल्याने व रात्री तिचा व तिच्या अजून एक बछडाचा वावर सुरु असण्याचे नागरिक सांगत असून असून वनविभागाने पिंजरा लावला आहे मात्र अद्याप मादी पिंजर्यात न अडकल्याने राजापूर परमोरी वरखेडा परिसरात भीती कायम आहे
परमोरी शिवारात गेल्या मिहनाभरापासून बिबट्याचा वावर सुरु होता. बिबट्याने वासरू कुत्रे यांचा फडशा पडल्याने नागरिकांमध्ये भीतीचे वातावरण होते वनविभागाने ग्रामस्थांचे मागणीनुसार पिंजरा लावला होता मात्र या पिंजर्यात बिबट्या येत नव्हता अखेर शनिवारी पहाटे नितीन दिघे यांच्या मळ्यात लावण्यात आलेल्या पिंजर्यात बिबट्या अडकला .बिबट्या पिंजर्यात अडकल्याने नागरिकांनी सुटकेचा निश्वास घेतला असला तरी अद्याप भीती कायम आहे .कादवा नदी तीरावरील राजापूर शिवारात वरखेडा रस्त्यालगत प्रशांत शिंदे यांच्या शेतात बिबट्याचा एक बछडा सापडला होता व वनविभागाने सदर बछडा ताब्यात घेत तेथे पिंजरा लावला आहे मात्र अद्याप सदर मादी पिंजर्यात न आल्याने व रात्री तिचा व अजून एक बछडाचा वावर परिसरात असल्याची चर्चा असून नागरिकांमध्ये घबराट पसरली आहे.