ट्रकच्या धडकेत शिरसगावच्या इसमाचा मृत्यू

ट्रकच्या धडकेत शिरसगावच्या इसमाचा मृत्यू

  नाशिक : ओझरहून नाशिककडे येणाऱ्या भरधाव ट्रकने दुचाकीला दिलेल्या धडकेत निफाड तालुक्यातील शिरसगाव येथील विलास रघुनाथ मोरे (३५) यांची मृत्यू झाला असून, दीपक बोंबले, अशोक जाधव गंभीर जखमी झाले आहेत़ त्यांच्यावर जिल्हा शासकीय रुग्णालयात उपचार सुरू आहेत़ शिरसगाव येथील दीपक बोंबले,अशोक जाधव व विलास मोरे असे तिघे जण दुचाकीने (एमएच १५, बीएस ८२०९) ने शनिवारी रात्री साडेबारा वाजेच्या सुमारास मुंबई- आग्रा रोडने जात होते़ यावेळी ट्रक टर्मिनसजवळील मनुदेवी मंदिरासमोर ओझरकडून नाशिककडे भरधाव येणाऱ्या ट्रकने त्यांच्या दुचाकीला जोरदार धडक दिली़ या अपघातामध्ये विलास मोरे यांना गंभीर दुखापत झाल्याने त्यांचा मृत्यू झाला, तर उर्वरित दीपक बोंबले व अशोक जाधव हे गंभीर जखमी झाल्याने त्यांना जिल्हा शासकीय रुग्णालयात दाखल करण्यात आले़ दरम्यान, या अपघातानंतर ट्रकचालक फरार झाला़ या अपघातप्रकरणी आडगाव पोलीस ठाण्यात अज्ञात ट्रकचालकाविरुद्ध गुन्हा दाखल करण्यात आला आहे़ (प्रतिनिधी)