अंगणवाड्यांमध्ये होणार परसबागा

शंभर अंगणवाड्यांसाठी १५ लाखांचा निधी; महिला बालकल्याण आयुक्तांकडून आढावा

  नाशिक : जिल्'ातील साडेचार हजारांहून अधिक अंगणवाड्यांपैकी शंभर अंगणवाड्यांमध्ये परसबाग ही संकल्पना राबविण्यासाठी महिला व बालकल्याण विभागातर्फे प्रत्येकी १५ हजारांप्रमाणे १५ लाखांचे अनुदान उपलब्ध करून देण्यात येणार असल्याची माहिती महिला व बालकल्यार आयुक्त विनीता सिंगल यांनी दिली. विनीता सिंगल यांनी राज्यस्तरीय महिला व बालकल्याण विभागाच्या बळकटीकरणासंदर्भात काल (दि,२७) नाशिक येथे येऊन आढावा बैठक घेतली. त्यात त्यांनी ही माहिती उपमुख्य कार्यकारी अधिकारी उद्धव खंदारे यांना दिली. राज्यात २० जिल्'ांमध्ये महिला व बालकल्याण विभागाच्या अधिकारी व कर्मचाऱ्यांना प्रशिक्षण देऊन बळकटीकरणाबाबत योजना हाती घेण्यात आली असून, त्यात नाशिक जिल्'ाचा समावेश आहे. विभागाच्या बळकटीकरणासाठी दहा विविध प्रकारच्या योजना राबविल्या जाणार असून, दोन योजना जिल्हास्तरावर तर आठ योजना तालुकास्तरावर राबविण्यात येणार आहे. तसेच प्रायोगिक तत्त्वावर अंगणवाड्यांच्या बाहेरील मोकळ्या जागेत परसबाग योजना राबविण्यात येणार असून, त्यात जिल्'ातील बागलाण, सिन्नर, सुरगाणा, पेठ व त्र्यंबकेश्वर या पाच तालुक्यांतील प्रत्येकी २० अंगणवाड्यांचा समावेश आहे. या अंगणवाड्यांसाठी प्रत्येकी १५ हजारांचा निधी उपलब्ध करून दिला जाणार आहे. जिल्'ात अंगणवाड्यांमध्ये पपई व सीताफळ या वृक्षांच्या लागवडीसह भाजीपाला लागवड करण्यात येऊन त्याची फळे व भाजीपाला अंगणवाड्यांतील बालकांना दिला जाणार आहे. जिल्'ात साडेसहाशेहून अधिक अंगणवाड्या डिजीटल झाल्या असून, त्याबाबत आयुक्त विनीता सिंगल यांनी समाधान व्यक्त केल्याचे समजते.