सोमवारी अंतिम मुदतीअखेर शहादा तालुक्यातील चार गटांसाठी ३०, तर आठ गणांसाठी ४१ जणांनी उमेदवारी अर्ज दाखल केले. अक्कलकुवा तालुक्यातील दोन गटांसाठी ३८, तर एका गणासाठी पाच उमेदवारांनी, तर नंदुरबार तालुक्यातील पाच गटासांठी ५२, तर पाच गणांसाठी ३४ अर्ज दाखल झाले होते. यात शहादा व नंदुरबार ताुलक्यांतील ९ गटांसाठी दाखल सर्व ८२ अर्ज मंजूर झाले, तर १३ गणांसाठीचे ७५ अर्जही वैध ठरले. दरम्यान, अक्कलकुवा तालुक्यातील कोराई गणात एक, तर अक्कलकुवा सर्वसाधारण स्त्री गटात तीन महिला उमेदवारांचे अर्ज अवैध ठरले. खापर जिल्हा परिषद गटातील सर्व ११ अर्ज वैध ठरविण्यात आले. एकूण ११ गटांसाठी ९८ अर्ज वैध ठरले असून, ६६ अर्ज हे १४ गणांसाठी वैध ठरले आहेत.
अक्कलकुवा गटातून अवैध ठरलेल्या अर्जांत राष्ट्रवादी काँग्रेसच्या उमेदवार जानबीबी गुलामकादर बलोच, अपक्ष उमेदवार गुलनाज सलाउद्दीन हाश्मी व रेहानाबानो मोहसीन मक्राणी यांचा समावेश आहे. कोराई गटातून काँग्रेस पक्षाकडून अर्ज करणाऱ्या संगीता रमेश वसावे यांचा अर्ज अवैध ठरविण्यात आला आहे. अर्जांची छाननी पूर्ण झाल्याने आता माघारीकडे लक्ष लागून आहे. छाननीनंतर माघारीची मुदत सुरू झाली आहे.