महात्मा गांधी विद्यालय, खापर
खापर, ता. अक्कलकुवा येथील महात्मा गांधी विद्यालयात छत्रपती शिवरायांच्या जयंतीनिमित्त अभिवादनाचा कार्यक्रम घेण्यात आला. प्रारंभी उपमुख्याध्यापक ईश्वर वळवी यांच्या हस्ते छत्रपती शिवाजी महाराजांच्या प्रतिमेचे पूजन करण्यात आले. याप्रसंगी आय.बी. वळवी, एस.एम. शिंपी, एम.बी. चव्हाण, डी.डी. वळवी, एस.व्ही. ठाकरे उपस्थित होते.
स्वामी विवेकानंद हायस्कूल, नंदुरबार
नंदुरबार येथील महात्मा फुले शिक्षण प्रसारक मंडळ संचलित प्राथमिक शाळा व स्वामी विवेकानंद हायस्कूल येथे छत्रपती शिवाजी महाराजांच्या जयंतीनिमित्त मुख्याध्यापक एन.जी. भावसार यांच्या हस्ते प्रतिमा पूजन करण्यात आले. या वेळी कोविड १९ चा वाढता प्रभाव लक्षात घेता परिसरातील नागरिकांना मास्क वापरण्याविषयी जनजागृती करण्यात आली, तसेच विना मास्क फिरणाऱ्या लोकांना मास्क वाटप करण्यात आले. याप्रसंगी प्राथमिकच्या प्रभारी मुख्याध्यापिका नीता चौरे, ज्येष्ठ शिक्षक वाय.एस. पाटील, निंबा माळी तसेच माध्यमिकचे सर्व शिक्षक व कर्मचारी उपस्थित होते.
सन्मित्र मंडळ व सावर्जनिक वाचनालय, शहादा
शहादा येथील सन्मित्र क्रीडा मंडळ व अटल बिहारी सार्वजनिक वाचनालय यांच्या संयुक्त विद्यमानाने छत्रपती शिवाजी महाराज जयंती साजरी करण्यात आली.
या वेळी नगरपालिका गटनेते मकरंद पाटील यांच्या हस्ते छत्रपती शिवाजी महाराजांच्या प्रतिमेचे पूजन करण्यात आले. याप्रसंगी मकरंद पाटील यांनी शिवाजी महाराजांची शिकवण सगळ्यांनी आचरणात आणण्याचे आवाहन केले. मंडळाचे अध्यक्ष ज्ञानी कुलकर्णी यांनी छत्रपती शिवाजी महाराज खरे समाजसुधारक होते, प्रजापालनकर्ते होते असे सांगितले. कार्यक्रमास संपत कोठारी, शिवपाल जांगीड, मनोज राजे, के.के. सोनार, चतुर पाटील, अजबसिंग गिरासे, रमाशंकर माळी, प्रमोद सोनार आदी उपस्थित होते. मंडळास छत्रपती शिवाजी महाराज प्रतिमा भेट दिल्याबद्दल मनोज राजे यांचा सत्कार करण्यात आला. प्रास्ताविक ज्ञानी कुलकर्णी यांनी केले, तर आभार संपत कोठारी यांनी मानले. कार्यक्रमासाठी मनोज राजे, दीपक पवार, शिवपाल जांगिड, चतुर पाटील, अजबसिंग गिरासे यांनी परिश्रम घेतले.
माध्यमिक विद्यालय, नवापाडा
अक्कलकुवा तालुक्यातील नवापाडा येथील माध्यमिक विद्यालयात छत्रपती शिवाजी महाराज जयंतीनिमित्त अभिवादन कार्यक्रम झाला. या वेळी एम.एस. सामुद्रे यांच्या हस्ते प्रतिमा पूजन करण्यात आले. याप्रसंगी पी.आर. सागर, एम.आर. कापुरे, ऐ.जे. सूर्यवंशी, किसन वळवी, आर.ए. वसावे, व्ही.डी. वंजारी, डी.यू. बागूल आदी उपस्थित होते.