सोशल डिस्टन्सिंग पाळत साजरी झाली रमजान ईद

लोकमत न्यूज नेटवर्क
नंदुरबार : जिल्हा प्रशासनाने केलेल्या आवाहनानुसार जिल्ह्यातील विविध भागात मुस्लिम बांधवांनी सोशल डिस्टन्सिंग पाळून रमजान ईद साजरी केली़ घरोघरी पवित्र रमजान महिन्यातील अखेरची नमाज अदा करत ईद साजरा करुन संपूर्ण विश्व कोरोनामुक्त होवो अशी प्रार्थना केली़
लॉकडाऊनच्या पार्श्वभूमीवर जिल्ह्यात सण-उत्सव साजरे न करण्याचे सूचित करण्यात आले आहे़ यातून सोमवारी साधेपणाने मुस्लिम बांधवांनी ईद साजरी केली़ बहुतांश ठिकाणी कपडे किंवा इतर चीज वस्तंूवर पैसे खर्च न करता गरजूंना साहित्य वाटप करण्यात आले़ नंदुरबाऱ, नवापुर, अक्कलकुवा, शहादा, तळोदा आदी ठिकाणच्या मशिदींमधून घरुनच ईदची नमाज अदा करण्याच्या सूचना सकाळपासून करण्यात येत होत्या़
सोशल मिडियातून ईदच्या शुभेच्छा देण्यावर भर देण्यात आला़ सकाळपासून गजबजाणारी ईदगाह मैदाने आणि मशिदींमध्ये यंदा शुकशुकाट होता़ शहरातील ईलाही चौक, अलीसाब मोहल्ला, मच्छीबाजार परिसरात समाजबांधव एक दुसऱ्याला लांबूनच ईदच्या शुभेच्छा देत असल्याचे दिसून आले़