नंदुरबार : लाॅकडाऊन असतानाही शहरात भटकंती करणाऱ्यांवर पोलीस दलाकडून कारवाई केली जात आहे. यातून या बेशिस्तांच्या रॅपिड अँटिजेन चाचण्या करण्याची मोहीम राज्यभर हाती घेतली गेली होती. नंदुरबार जिल्ह्यातही ही मोहीम काही काळापुरती राबवली गेली होती. यातून दोन हजार बेशिस्तांच्या तपासण्या करण्यात आल्या होत्या.
जिल्हा पोलीस अधीक्षकांनी नंदुरबार व शहादा या दोन ठिकाणी बेशिस्तांची रॅपिड टेस्ट करण्याचा उपक्रम राबवला होता. यांतर्गत रॅपिड अँटिजेन टेस्ट करण्यासाठी आरोग्य पथकांना सोबत घेण्यात आले होते. यातून विनाकारण भटकणा-या सुमारे १०० जणांचे अहवाल पाॅझिटिव्ह आले होते. या सर्वांना तातडीने त्या-त्या कोविड केअर सेंटर्समध्ये दाखल करण्यात आले होते. रॅपिड टेस्ट झाल्यानंतर नियमानुसार बेशिस्तांवर कारवाई करून दंड करण्यात आला होता. तूर्तास हा उपक्रम आरोग्य पथक नसल्याने बंद करण्यात आला आहे. येत्या काळात आरोग्य पथक आल्यास हा उपक्रम पुन्हा सुरू होण्याची शक्यता आहे.
कारणे जुनीच
दरम्यान पोलिसांच्या तावडीत सापडलेल्या बहुतांश बेशिस्तांकडून दवाखान्यात जात असल्याचे कारण दिले जात होते. यातून त्यांची पथकांकडून तपासणी करून घेत दंड केला जात होता. काहींकडून अर्जंट मेडिकलमध्ये जाणे, खाद्यपदार्थांची आवश्यकता असेही बहाणे करण्यात आले होते.
जिल्हा पोलीस अधिक्षक मंहेद्र पंडित यांनी शहादा व नंदुरबार या दोन पोलीस ठाणे हद्दीत हा उपक्रम राबवला होता. यावेळी बेशिस्तांची चांगलीच तारांबळ उडाल्याचे दिसून आले होते. अनेक जण यामुळे घराबाहेर पडणे टाळत असल्याची माहिती देण्यात आली. इतर पोलीस ठाण्यांमध्ये येत्या काळात हा उपक्रम राबवला जाण्याची शक्यता आहे.
शहादा व नंदुरबार येथे तपासणी