या नोटीसनंतर तब्बल चार वर्षांपासून हे प्रकरण थंडबस्त्यात होते. दरम्यान, सध्याचे जिल्हा आरोग्य अधिकारी डाॅ. एन.डी. बोडके यांनी याप्रकरणाची दखल घेत तिघांच्या खुलासे आरोग्य उपसंचालक यांना पाठवले होते. उपसंचालकांकडूनही तिघे याप्रकरणी दोषी असल्याचा ठपका ठेवत पुन्हा चाैकशी करण्याचे आदेश देण्यात आले असून, यासाठी नाशिक येथून विभागीय समितीने तिघांना नोटिसा दिल्या आहेत. यानुसार येत्या काही दिवसात चाैकशी होऊन तिघांवर आर्थिक गैरव्यवहारप्रकरणी फौजदारी गुन्हा दाखल होण्याची शक्यता आहे.
कसा केला गैरव्यवहार
दरम्यान हा गैरव्यवहार झाला कसा, याची चाैकशी करणाऱ्या जिल्हास्तरीय समितीसमोर अनेक पुरावे आले होते. यात प्रामुख्याने वापरले जाणारे वाहन आणि औषधी खरेदीची बिले ही १०० टक्के बोगस असल्याचे अहवालात स्पष्ट करण्यात आले आहे. ज्या दिवशी वाहन दुरुस्तीला त्याच दिवशी वाहन दुर्गम भागात रुग्णसेवेसाठी रवाना असल्याचे अनेक किस्से अहवालात आहेत. लाॅगबुक रजिस्टरमध्ये एकच चालक सतत वाहन चालवत असल्याचेही समोर आले आहे.
समितीने तळोदा तालुक्यातील बोरद आरोग्य केंद्रावर विशेष लक्ष देत चाैकशी केली असून, इतर दोघांच्या तुलनेत याठिकाणी अधिक अनियमितता असल्याचे समोर आले आहे.