लग्न मंडपातून वरमातेची दीड लाखांचा ऐवज लंपास

सुरत येथिल मिनाबाई रविंद्र गुरव यांचा मुलाचे तळोदा येथिल राजेंद्र पुंडलिक गुरव यांच्या मुलीसोबत १९ जानेवारी रोजी लग्न होते. मुलगा भूषण याचे लग्न झाल्यानंतर त्या पतीसोबत तीन वाजेच्या सुमारास कन्यादानाचा पूजेसाठी मंडपात बसल्या होत्या. त्यावेळी त्यांनी आपली पर्स बाजूलाच ठेवली होती. पूजा झाल्यानंतर त्यांना त्यांची पर्स त्याठिकाणी दिसून आली नाही. पर्सचा शोध घेतला असता ती पर्स कोणीतरी अज्ञात इसमाने चोरून नेली असल्याचे लक्षात आले. या पर्स मध्ये ९० हजार रुपये रोख रक्कम व सोन्याचे दागीने असा एकूण १ लाख ४० हजार ६०० रुपये किमतीचा ऐवज होता.

मिनाबाई रविंद्र गुरव यांनी तळोदा पोलीस ठाण्यात दिलेल्या फिर्यादीवरून अज्ञात चोरट्यांविरोधात गुन्हा दाखल करण्यात आला आहे. तपास पोलिस हेड कॉन्स्टेबल संजय नाईक करीत आहेत.