नागपूर : क्रांतिज्योती सावित्रीबाई फुले यांची जयंती नागपुरात उत्साहात साजरी करण्यात आली. शहरातील विविध भागामध्ये त्यांना अभिवादन करण्यात आले. त्यांच्या कार्यावर प्रकाश टाकण्यात आला.
बहुजन रिपब्लिकन सोशालिस्ट पार्टी
बहुजन रिपब्लिकन सोशालिस्ट पार्टीतर्फे क्रांतिज्योती सावित्रीबाई फुले यांच्या जयंतीनिमित्त कॉटन मार्केट येथील पुतळ्याला पुष्पहार घालून अभिवादन करण्यात आले. याप्रसंगी रमेश पाटील, विश्रांती झांबरे, मंगला पाटील, वंदना लांजेवार, सुधा वासनिक, राजश्री वासनिक, यशोधरा नानवटे, सी.टी. बोरकर, एस.टी. पााझारे, पंजाबराव मेश्राम आदी उपस्थित होते.
---------
हरदास शैक्षणिक व सांंस्कृतिक संस्था ()
हरदास शैक्षणिक व सांंस्कृतिक संस्थेतर्फे हरदास महाविद्यालय कामठी येथे सावित्रीबाई फुले यांची जयंती साजरी करण्यात आली. यावेळी माजी राज्यमंत्री सुलेखा कुंभारे, खैरे सर, दादासाहेब कुंभारे विद्यालयाचे मुख्याध्यापक राजेश गजभिये प्रामुख्याने उपस्थित हाेते. यावेळी शिक्षिका विशाखा पाटील व गंगा मेहरोलिया यांना सावित्रीबाई फुले पुरस्काराने सन्मानित करण्यात आले.
---------------
ऑल इंडिया दलित महिला अधिकार मंच
संबुद्ध महिला संघटनेेच्या सहकार्याने ऑल इंडिया दलित महिला अधिकार मंचतर्फे क्रांतिज्योती सावित्रीबाई फुले जयंती सप्ताह साजरा करण्यात येणार आहे. याअंतर्गत शहरातील विविध भागामध्ये जयंतीचा कार्यक्रम आयोजित करून सावित्रीबाई फुले यांचे जीवन व कार्याची माहिती, महिलांचे प्रश्न, नवीन शैक्षणिक धोरण, शेतकऱ्यांचे आंदोलन यावर प्रकाश टाकण्यात येईल. याअंतर्गत रविवारी सुगत बुद्धविहार, अंबाझरी टेकडी येथे जयंतीचा कार्यक्रम पार पडला. ४ तारखेला इंदोरा बाराखोली, ५ तारखेला कोराडी, ६ तारखेला अंबाझरी, ७ तारखेला पांढराबोडी, ८ ला गोधनी, ९ ला सुदामनगरी येथे ऑल इंडिया दलित महिला अधिकार मंचच्या राष्ट्रीय कन्वेनर डॉ. विमल थोरात, छाया खोब्रागडे, सुगंधा खांडेकर, संजीवनी कुमरे या मार्गदर्शन करतील.
--------------
कास्ट्राईब कर्मचारी महासंघ
कास्ट्राईब कर्मचारी महासंघातर्फे क्रांतिज्योती सावित्रीबाई फुले यांची जयंती उत्साहात साजरी करण्यात आली. महासंघाचे अध्यक्ष कृष्णा इंगळे यांनी सावित्रीबाई फुले यांच्या फोटोला पुष्पहार अर्पण करून अभिवादन केले. तसेच त्यांच्या कार्यावर प्रकाश टाकला.