नागपूर ‘एअरोस्पेस इंडस्ट्री हब’ होणार

एअर इंडियाचा एमआरओ, लवकरच सुरू होणारा इंदमारचा एमआरओ, ‘ताल’ची बोर्इंग विमानांसाठी फ्लोअर बीमची निर्मिती

मुख्यमंत्री फडणवीस यांचा विश्वास : ‘ताल’ मिहानसाठी ब्रॅण्ड अ‍ॅम्बेसडरनागपूर : एअर इंडियाचा एमआरओ, लवकरच सुरू होणारा इंदमारचा एमआरओ, ‘ताल’ची बोर्इंग विमानांसाठी फ्लोअर बीमची निर्मिती या उपलब्धीसह नागपुरात विमान क्षेत्रासाठी जास्त क्षमता आहे. विमानासाठीच्या निर्माण उद्योगामध्ये नागपूर ‘एअरोस्पेस इंडस्ट्री हब’ म्हणून लवकरच पुढे येईल, असा विश्वास मुख्यमंत्री देवेंद्र फडणवीस यांनी येथे व्यक्त केला.मिहानमधील टाटा उद्योग समूहाच्या ताल मॅन्युफॅक्चरिंग सोल्युशनतर्फे ड्रीमलायनर ७८७-८ आणि १० बोर्इंग विमानांसाठी निर्माण केलेल्या पाच हजाराव्या फ्लोअर बीमच्या पुरवठ्यासंदर्भातील कन्साईनमेंटचा शुभारंभ मुख्यमंत्री देवेंद्र फडणवीस यांच्या हस्ते शनिवारी करण्यात आला. तसेच विमानासाठी लागणाऱ्या सुटे भाग निर्मिती विभाग जेनेरिक मॅन्युफॅक्चरिंग युनिटचे उद्घाटन मुख्यमंत्र्यांच्या हस्ते झाले. या प्रसंगी मुख्य अतिथी म्हणून ते बोलत होते. या समारंभात केंद्रीय भूपृष्ठ वाहतूक मंत्री नितीन गडकरी, पालकमंत्री चंद्रशेखर बावनकुळे, खासदार कृपाल तुमाने, आमदार आशिष देशमुख, अनिल सोले, महापौर प्रवीण दटके, बोर्इंगच्या आशिया पॅसिफिक अ‍ॅन्ड इंडियाचे वरिष्ठ उपाध्यक्ष (विक्री) डॉ. दिनेश केसकर, डॉ. आर.ए. माशेलकर, बोर्इंग इंडिया लि.चे अध्यक्ष डॉ. प्रत्युशकुमार, ‘ताल’चे अध्यक्ष आर.एस. ठाकूर, कार्यकारी संचालक व मुख्य कार्यकारी अधिकारी राजेश खत्री, मुख्य कार्यान्वयन अधिकारी लोकेश श्रीवास्तव, टाटा मोटर्सचे व्यवस्थापकीय संचालक, मुख्य कार्यकारी अधिकारी गुंटर बट्सचेक आणि महाराष्ट्र विमानतळ विकास कंपनीचे (एमएडीसी) उपाध्यक्ष व व्यवस्थापकीय संचालक विश्वास पाटील उपस्थित होते. (प्रतिनिधी)