नागपूर : छिंदवाडा ब्रॉडगेज तयार झाल्यानंतर सोमवारी इतवारीवरून छिंदवाड्यासाठी पहिल्यांदा रेल्वेगाडी धावली. त्यामुळे इतवारी आणि छिंदवाडा येथील प्रवाशांना दिलासा मिळाला आहे. पहिल्या दिवशी रेल्वेगाडी क्रमांक ०८११९ इतवारी-छिंदवाडा पॅसेंजर रेल्वेगाडीतून ११५ प्रवाशांनी इतवारी रेल्वेस्थानकावरून प्रवास केला. बहुप्रतीक्षित इतवारी-छिंदवाडा ब्रॉडगेज रेल्वे लाईनचे काम नुकतेच पूर्ण झाले आहे. या कामाची सुरुवात २००८ मध्ये झाली होती. हे काम २०११ मध्ये पूर्ण करावयाचे होते. परंतु या कामाला बराच काळ होऊन हे काम २०२१ मध्ये पूर्ण झाले. आजपासून इतवारी-छिंदवाडा ब्रॉडगेज रेल्वे मार्गावर वाहतूक सुरू झाली. त्यानुसार इतवारी-छिंदवाड्यासाठी पहिली रेल्वेगाडी चालविण्यात आली. सोमवारी सकाळी ७.४५ वाजता इतवारी रेल्वेस्थानकावरून ही गाडी रवाना झाली. या गाडीला इतवारीचे स्टेशन व्यवस्थापक श्रीराम यादव आणि चतुर्थ श्रेणी कर्मचारी ज्ञानेश्वर कराडे यांनी हिरवी झेंडी दाखविली. इतवारी-छिंदवाडादरम्यान ब्रॉडगेज रेल्वे सेवा सुरू झाल्यामुळे दोन्ही शहरातील व्यापारी आणि नागरिकांना त्याचा लाभ होणार आहे.
............